२०८३ असार ८, सोमबार १७:२७
भरतपुर । चितवनमा जारी राष्ट्रिय स्वतन्त्र पार्टी (रास्वपा)को पहिलो महाधिवेशन अन्तर्गत सोमबार बिहान ८ः३० बजे सुरु हुनुपर्ने बन्द सत्र अझै सुरु हुन सकेको छैन । आन्तरिक विवादका कारण निर्धारित समयभन्दा ८ घण्टा बितिसक्दा पनि सुरु नभएको हो ।
महाधिवेशन प्रतिनिधिको यकिन संख्या र नामावली टुंगो लाग्न लाग्न सकेको छैन । जसका कारण बन्द सत्र ढिलो भएको हो । महाधिवेशनमा मधेश प्रदेशका ९६ प्रतिनिधि छुटेको भन्दै विवाद उत्पन्न भएको थियो । छनोट भएका प्रतिनिधिहरूको नाम, थर र ठेगानामा रहेका प्राविधिक त्रुटि सच्याउन समय लागेका कारणले पनि समस्या भएको बताइएको छ ।
बन्द सत्र सुरु हुन नसक्दा सोमबार दिउँसोका लागि तय गरिएको उम्मेदवारी मनोनयन लगायतका सबै कार्यतालिका प्रभावित भएको छ ।
यसले गर्दा मंगलबार सकिने भनिएको महाधिवेशनको अवधि थप एक दिन लम्बिने भएको छ । चर्को गर्मीका कारण बन्द सत्रको पखाईमा रहेका प्रतिनिधिहरूमा निराशा र आक्रोश देखिएको छ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
