२०८३ असार १०, बुधबार १९:४३
विराटनगर । मोरङको रंगेलीमा सर्पले डसेर बुधबार एक जनाको मृत्यु भएको छ ।
रंगेली नगरपालिका–८ दर्वेशाका अन्दाजी ५५ वर्षीय झमलाल ताजपुरियाको मृत्यु भएको प्रहरीले जनाएको छ । घरको सरसफाइ गर्ने क्रममा दिउँसो ४ः४५ बजेतिर उनको दाहिने खुट्टामा सर्पले टोकेको प्रारम्भिक अनुसन्धानबाट खुलेको छ ।
सर्पले टोकेर गम्भीर घाइते भएका उनलाई उपचारका लागि विराटनगरको कोशी अस्पताल लगिएको थियो । अस्पताल पुर्याउनसाथ चिकित्सकले मृत घोषणा गरिदिएको प्रहरीले जनाएको छ ।
ताजपुरियालाई कुन प्रजातिको सर्पले टोकेको हो भनेर यकिन भइसकेको छैन । चिकित्सकले सर्पको डसाइबाटै मृत्यु भएको जानकारी प्रहरीलाई दिएका छन् । घटनाका बारेमा थप बुझ्ने काम भइरहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
