२०८३ असार ११, बिहीबार १५:२३
काठमाडौं । सेयर बजार लगातार चौथो कारोबार दिन पनि घटेको छ । बिहीबार बजारको परिसूचक नेप्से अघिल्लो दिनको तुलनामा ८.५० अंक घटेको हाे । आज नेप्से २६५१ अंकमा कायम भएको छ ।पछिल्लाे एक महिनाको अवधिमा नेप्से १३५ अंक घटेको छ । जेठ ११ गते नेप्से २७८६ अंकमा थियो । आज कायम भएकाे अंक फागुन १३ यताकै न्यून हो ।
आज कारोबार रकम पनि घटेको छ । अघिल्लो दिन ४ अर्ब ४१ करोडको कारोबार भएकोमा आज २ अर्ब ८३ करोडमा खुम्चियो । यो कारोबार पनि रकम जेठ ४ यताकै न्यून हो ।
आज ८३ कम्पनीको मूल्य बढ्दा १७२ को घट्यो भने १९ को स्थिर रह्यो । उत्पादन बाहेक सबै समूहका सूचक घटेका छन् । उत्पादन तथा प्रशोधन समूह ०.१४ प्रतिशत बढ्यो । बैंकिङ ०.१९, विकास बैंक ०.१५, फाइनान्स ०.३६ होटल तथा पर्यटन ०.५३, जलविद्युत् ०.४१, लगानी ०.१६, जीवन बीमा ०.२२, माइक्रोफाइनान्स ०.१५, निर्जीवन बीमा ०.४० तथा अन्य समूह ०.४७ प्रतिशत घटेकाे छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
