सुनचाँदीको मूल्य लगातार घट्दै 

विराटनगर । नेपाली बजारमा बिहीबार (आज) पनि सुनचाँदीको मूल्यमा ठुलो गिरावट आएको छ । पछिल्लो केही दिनदेखि सुनचाँदीको मूल्य मूल्य घट्दै आएको छ ।

बिहीबार सुनको मूल्यमा प्रतितोलाको २ हजार ४ सय र चाँदी प्रतितोला १ सय ६० रुपैयाँले घटेको नेपाल सुनचाँदी व्यवसायी महासंघले जनाएको छ । बजारमा भाउ घटेसँगै सुन प्रतितोला २ लाख ८४ हजार ७ सय रुपैयाँ कायम भएको महासंघले जनाएको छ । बुधबार बजारमा २ लाख ८७ हजार १ सय रुपैयाँमा कारोबार भएको थियो ।

त्यस्तै, आज चाँदीको भाउ घटेसँगै प्रतितोलाको ४ हजार ३ सय ४० रुपैयाँ कायम भएको महासंघले जनाएको छ । बुधबार बजारमा चाँदी प्रतितोला ४ हजार ५ सय रुपैयाँमा कारोबार भएको महासंघले जनाएको छ ।