२०८३ श्रावण १, शुक्रबार ०७:५०
काठमाडौं । नेपाल टेलिकमले आज (शुक्रबार)देखि आफ्ना सिमकार्ड तथा अन्य आवश्यक सामग्री हुलाक सेवामार्फत ग्राहकको घरमै पुर्याउने सेवा सुरु गरेको छ ।
नेपाल टेलिकम र हुलाक सेवा विभागबीच गत असार १८ गते भएको सम्झौता शुक्रबारदेखि कार्यान्वयनमा आएको हो । यससँगै ग्राहकले आवश्यक परे सिमकार्ड लगायतका टेलिकम सामग्री घरमै मगाउन सक्नेछन् ।
सम्झौताअनुसार सिमकार्डसँगै दूरसञ्चार सेवामा प्रयोग हुने विभिन्न सामग्री, कागजात तथा अन्य आवश्यक सामान पनि हुलाकमार्फत सम्बन्धित कार्यालय वा सेवाग्राहीसम्म ढुवानी गरिनेछ ।
नेपाल टेलिकमका निमित्त प्रबन्ध निर्देशक रीना डंगोल र हुलाक सेवा विभागका महानिर्देशक मनमाया भट्टराई पंगेनीले सम्झौतामा हस्ताक्षर गरेका थिए । यसले टेलिकमको सेवा वितरणलाई थप सहज र पहुँचयोग्य बनाउने छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
