२०८३ श्रावण २, शनिबार ०८:५९
विराटनगर । मोरङको बेलबारी नगरपालिका–११ मगर टोलका एक जना वृद्धको शव ड्रेनमाथि फेला परेको छ ।
बेलबारी–११ का ७४ वर्षीय देशबहादुर मगर शुक्रबार अपरान्ह ४ः२० बजेतिर मृत फेला परेका हुन् । प्रहरीका अनुसार पानी बग्ने सिमेन्टको ड्रेनमाथि वृद्धको शव देखेर स्थानीयले प्रहरीलाई खबर गरेका थिए ।
वृद्धको मृत्युको कारण खुल्न बाँकी छ । घटनास्थलबाट कानुनी प्रक्रिया पूरा गरेर शवलाई पोस्टमार्टमका लागि विराटनगरको कोशी अस्पताल पठाइएको प्रहरीले जनाएको छ । इलाका प्रहरी कार्यालय बेलबारीका इन्स्पेक्टर राजीव गिरी नेतृत्वको टोलीले घटनाको अनुसन्धान गरिरहेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×