२०८३ श्रावण ३, आइतबार १०:१०
चितवन । चितवनको इच्छाकामना गाउँपालिका–६ जलबिरेस्थित मुग्लिङ–नारायणगढ सडकखण्डमा आइतबार बिहान तीनवटा सवारीसाधन एकापसमा ठोक्किँदा ३३ जना घाइते भएका छन् ।
काठमाडौंबाट दाङतर्फ जाँदै गरेको लु प्र ०३–००१ ख ०५०५ नम्बरको बस, सर्लाहीबाट काठमाडौंतर्फ जाँदै गरेको म प्र ०३–००२ ख ७३२ नम्बरको बस र सोही दिशाबाट पछाडि आउँदै गरेको बा प्र ०३–००१ ख १६७१ नम्बरको ट्रक ठोक्किएर बिहान ७ः१० बजेतिर दुर्घटना भएको हो । दुर्घटनामा घाइते भएका ३३ जनालाई उद्धार गरी उपचारका लागि भरतपुर पठाइएको प्रहरीले जनाएको छ ।
घाइतेमध्ये २४ जना नयाँ मेडिकल कलेज र नौ जना पुरानो मेडिकल कलेजमा उपचाररत छन् । दुर्घटनापछि केही समय सडक दुवैतर्फ अवरुद्ध भएको थियो । प्रहरीले अवरोध हटाएपछि सडक दुईतर्फी नै सञ्चालनमा आइसकेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×