डा. केसीको मागबारे छलफल गर्न वार्ता सुरु

Share this
781shares
मुलुकी खबर
मुलुकी खबर
clock२०८३ साउन १०, आइतबार १४:२९

काठमाडौं । अनशनरत डा. गोविन्द केसीका मागबारे छलफल गर्न धनगढीमा सरकारी टोली र उनका प्रतिनिधिबीच आइतबारदेखि वार्ता सुरु भएको छ ।

शिक्षा, विज्ञान तथा प्रविधि मन्त्रालयको पहलमा गठित सरकारी वार्ता टोलीले डा. केसीका प्रतिनिधिहरूसँग छलफल अघि बढाएको हो ।

वार्तामा सरकारका तर्फबाट शिक्षा मन्त्रालयका सचिव चूडामणि पौडेल, स्वास्थ्य मन्त्रालयका सचिव डा. विकास देवकोटा र प्रधानमन्त्रीका स्वास्थ्य सल्लाहकार प्रा. डा. जगदीशचन्द्र अग्रवाल सहभागी छन् ।

त्यसैगरी डा. केसीका तर्फबाट उनका सहयोगीहरू डा. अमृत जैशी, पवन थापा र पुकार बम लगायत वार्तामा बसेका छन् ।

गेटा मेडिकल विश्वविद्यालयका पदाधिकारीले राजीनामा दिनुपर्ने र चिकित्सा शिक्षाको छात्रवृत्ति कोटा बढाउनुपर्ने लगायतका माग राख्दै डा. केसी गत शुक्रबारदेखि धनगढीमा अनसनमा बसेका हुन् ।

अनसनकै क्रममा स्वास्थ्यमा समस्या देखिएपछि हाल उनको सेती प्रादेशिक अस्पतालमा उपचार भइरहेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.