पेट्रोल छर्केर आफैंलाई आगो लगाएका युवकको मृत्यु

Share this
657shares
मुलुकी खबर
मुलुकी खबर
clock२०८३ साउन ११, सोमबार ०९:५०
प्रतीकात्मक तस्बिर

धनगढी । धनगढीमा आफ्नै शरीरमा पेट्रोल छर्केर आफैंलाई आगो लगाएका एक युवकको मृत्यु भएको छ । धनगढी उपमहानगरपालिका–७ का ३५ वर्षीय ज्योति चौधरीको मृत्यु भएको हो ।

प्रहरीका शनिबार साँझ आफ्नै घरभित्र उनले शरीरमा पेट्रोल छर्केर आगो लगाएका थिए । आगोले गम्भीर घाइते भएपछि परिवारले तत्काल सेती प्रादेशिक अस्पतालमा उपचारका लागि पुर्‍याएका थिए ।

चिकित्सकका अनुसार चौधरीको शरीरको करिब ६० प्रतिशत भाग जलेको थियो । उनको अवस्था जटिल भएपछि थप उपचारका लागि भेरी अस्पताल, नेपालगञ्ज रिफर गरिएको थियो । त्यसपछि आफन्तले काठमाडौंस्थित अस्पताल लैजाने निर्णय गरेका थिए ।

एम्बुलेन्समार्फत काठमाडौं लैजाँदै गर्दा आइतबार राति बाटोमै चौधरीको मृत्यु भएको प्रहरीले जनाएको छ । जिल्ला प्रहरी कार्यालय कैलालीका इन्स्पेक्टर कैलाश विष्टका अनुसार घटनाका बारेमा सोमबार बिहान करिब ७ बजे मात्रै आफन्तले प्रहरीलाई जानकारी गराएका हुन् । घटनाको कारण खुल्न बाँकी रहेको र यस विषयमा थप अनुसन्धान भइरहेको प्रहरीले जनाएको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.