ईभी दुर्घटना बढेपछि छुट्टै ट्रायल परीक्षा र स्पिड गभर्नर राख्न प्रस्ताव

Share this
723shares
मुलुकी खबर
मुलुकी खबर
clock२०८३ साउन १४, बिहीबार ११:५२

काठमाडौं। विद्युतीय गाडी (ईभी) हरू लगातार दुर्घटनामा पर्न थालेपछि काठमाडौँ उपत्यका ट्राफिक प्रहरी कार्यालयले दुर्घटना न्यूनीकरणका लागि छुट्टै ट्रायल परीक्षाको प्रस्ताव गरेको छ।

ईभी चलाउन छुट्टै क्याटागोरी थपेर ट्रायल परीक्षा उत्तीर्ण गरेपछि मात्र लाइसेन्स दिने व्यवस्थाका लागि यातायात व्यवस्था विभागसँग छलफल भइरहेको उपत्यका ट्राफिक प्रहरी कार्यालयका एसपी नरेश सुवेदीले बताए। ईभी गाडीको प्राविधिक पक्षसँग चालकहरू अभ्यस्त नहुँदा दुर्घटना बढेको निष्कर्ष ट्राफिक प्रहरीको छ।

यसैबीच, ट्राफिक प्रहरीले बुधबार अटो क्षेत्रका छाता संस्था नाडा र नाइमाका प्रतिनिधि तथा ईभी आयातकर्ता र डिलरका प्राविधिकहरूसँग छलफल गरेको छ। छलफलका क्रममा गाडी बेच्नुअघि ग्राहक तथा चालकलाई गाडीको यान्त्रिक जानकारी र अनुशिक्षण दिन आयातकर्ताहरूलाई आग्रह गरिएको छ।

काठमाडौँ उपत्यकामा हालसम्म ४२ हजारभन्दा बढी चारपांग्रे ईभी बिक्री भइसकेका छन्। ईभीको तीव्र गति नियन्त्रण गरी दुर्घटना घटाउन गाडीमा ‘स्पिड गभर्नर’ जडान गर्ने विकल्पबारे पनि छलफल भएको छ, जसले गर्दा तोकिएको सीमाभन्दा बढी गतिमा गाडी कुद्न पाउँदैन।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.