गृहमन्त्री विराटनगर आएर सुनसरी जाने, उड्न लाग्यो जहाज

विराटनगर । गृहमन्त्री सुधन गुरुङ विराटनगर आएर बिहीबार साँझ सुनसरी जाने भएका छन् ।

बुद्ध एयरको जहाजमार्फत विराटनगर विमानस्थलमा ओर्लिएर उनी देवानगन्ज गाउँपालिका–३ कप्तानगन्ज जाने सुरक्षा स्रोतले बतायो । काठमाडौंबाट गृहमन्त्री सवार बृद्ध एयरको जहाज विराटनगरका लागि उड्न लागेको छ ।

Advertisement

गृहमन्त्री आउने भएपछि मोरङ र सुनसरीको सुरक्षा व्यवस्था कडा पारिएको छ । कप्तानगन्जमा पुगेर उनले घटनास्थलको स्थलगत अनुगमन गर्ने छन् । गृहमन्त्रीले सुनसरी भ्रमणका क्रममा घटनास्थलको वस्तुस्थिति बुझ्ने, सुरक्षा निकायका अधिकारीसँग छलफल गर्ने तथा पछिल्लो अवस्थाका बारेमा जानकारी लिने बताइन्छ ।

गृहमन्त्री गुरुङले घटनामा ज्यान गुमाएका दुवै व्यक्तिको परिवारलाई पनि भेट्ने बताइएको छ । गत आइतबार राति सुनसरीको देवानगन्ज गाउँपालिका–३ कप्तानगन्जमा सशस्त्र प्रहरीको गोली लागेर युवकको मृत्यु भएपछि अवस्था तनावग्रस्त बन्दै गएको छ ।

मृत्यु हुनेको संख्या बिहीबारसम्म दुई पुगिसकेको छ । उक्त घटनाको विरोधमा उत्रिएका समूहमाथि गोली चलाउँदा सिराहमा पनि बिहीबार एक किशोरको मृत्यु भएको छ ।