कप्तानगन्ज गोलीकाण्डका मृतकको शव पोस्टमार्टमका लागि कोशी अस्पताल लगियो

Share this
714shares
मुलुकी खबर
मुलुकी खबर
clock२०८३ साउन १५, शुक्रबार १७:२१

विराटनगर । सुनसरीको देवानगन्ज गाउँपालिका–३ कप्तानगन्जमा भएको गोलीकाण्डमा मृत्यु भएका दुई जना युवाको शव पोस्टमार्टमका लागि केही समयअघि विराटनगरस्थित न्युरो अस्पतालबाट कोशी अस्पताल लगिएको छ । पोस्टमार्टम सम्पन्न भएपछि शव परिवारको जिम्मा लगाउने तयारी गरिएको छ ।

कप्तानगन्जमा दुई पक्षबीच भएको विवाद हिंसात्मक बनेपछि स्थिति नियन्त्रणमा लिन गत आइतबार राति सशस्त्र प्रहरीले गोली चलाएको थियो । उक्त घटनामा गोली लागेर देवानगन्ज–४ का २५ वर्षीय ओमप्रकाश मेहताको घटनाकै राति मृत्यु भएको थियो । त्यस्तै, देवानगन्ज–३ का २२ वर्षीय जयप्रकाश मेहता गम्भीर घाइते भएपछि उपचारका लागि विराटनगरस्थित न्युरो अस्पताल भर्ना गरिएको थियो । उपचारकै क्रममा उनको बिहीबार दिउँसो मृत्यु भएको थियो ।

दुवै शव न्युरो अस्पतालको शवगृहमा राखिएको थियो । सरकार र मृतक पक्षबीच बिहीबार राति सहमति भएपछि शुक्रबार पोस्टमार्टम प्रक्रिया अघि बढाइएको हो । प्रहरीका अनुसार पोस्टमार्टम सकिएपछि कानुनी प्रक्रिया पूरा गरी शव परिवारलाई जिम्मा लगाइनेछ । त्यसपछि परिवारले अन्त्येष्टि गर्ने छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.