२०८३ श्रावण १७, आइतबार ०७:३४
काठमाडौं । इरानी मिसाइल आक्रमणमा ज्यान गुमाएका तेह्रथुमका ४४ वर्षीय सोमकुमार तामाङको शव आइतबार बिहानका राति नेपाल ल्याइएको छ ।
कुवेत एयरवेजको उडानमार्फत उनको शव काठमाडौं ल्याइएको हो । सन् २०२२ देखि कुवेतमा सवारी चालकका रूपमा कार्यरत तामाङको गत बिहीबार उत्तरी कुवेतस्थित एक चिनियाँ कम्पनीको भवनमा इरानी मिसाइल आक्रमण हुँदा मृत्यु भएको थियो ।
पश्चिम एसियामा जारी द्वन्द्वका कारण ज्यान गुमाउने उनी दोस्रो नेपाली नागरिक हुन् । कुवेतस्थित नेपाली दूतावासले आवश्यक कानुनी प्रक्रिया पूरा गरी अन्तिम संस्कारका लागि शव स्वदेश पठाउने व्यवस्था मिलाएको हो । शव परिवारलाई बुझाउने प्रक्रिया अघि बढाइएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
