२०८३ श्रावण २६, मंगलबार १७:४८
काठमाडौं। यातायात व्यवस्था विभागले सवारी चालक अनुमतिपत्र (लाइसेन्स) लगायतका सेवालाई थप व्यवस्थित गर्न नयाँ अनलाइन प्रणाली कार्यान्वयनमा ल्याएको छ । २०८३ साउन १ गतेदेखि लागू नयाँ प्रणालीमा नयाँ फारम भर्न र विवरण अद्यावधिक गर्न राष्ट्रिय परिचयपत्र, आफ्नै नाममा रहेको मोबाइल नम्बर र इमेल अनिवार्य गरिएको छ ।
सर्भर अपग्रेड र नयाँ प्रणाली लागू गर्ने क्रममा देशभरका यातायात कार्यालयमा करिब तीन साता सेवा रोकिए पनि अहिले पूर्ण रूपमा सञ्चालनमा आइसकेको विभागका निर्देशक केशव खतिवडाले बताए । नयाँ प्रणालीलाई नागरिक एप, राष्ट्रिय परिचयपत्र र मोबाइल सेवा प्रदायकको प्रणालीसँग एकीकृत गरिएकाले अब नागरिक एपमार्फत विवरण स्वतः भरिने व्यवस्था मिलाइएको छ । विदेशमा रहनेहरूका लागि इमेलमा ओटीपी प्राप्त हुने सुविधा समेत थपिएको छ ।
राष्ट्रिय परिचयपत्र नभएकाहरूको मात्र काम रोकिएकाले जिल्ला प्रशासन कार्यालयबाट तत्कालै पाइने परिचयपत्र नम्बर प्रयोग गरेर फारम भर्न सकिने विभागले जनाएको छ । फारम भर्नका लागि राष्ट्रिय परिचयपत्रको भौतिक कार्ड नै नचाहिने र दर्ता नम्बर भए पुग्ने खतिवडाले बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी