२०८३ श्रावण २७, बुधबार १५:४३
काठमाडौं। सल्यानमा भेरी नदीमा जिप खस्दा दुई जना बेपत्ता भएका छन् भने अन्य दुई जना घाइते भएका छन्।
छिन्चु-जाजरकोट सडकखण्डअन्तर्गत वनगाड कुपिण्डे नगरपालिका-१, बाङ्गिरह नजिकै लु १ ज ३०२२ नम्बरको जिप सडकबाट भेरी नदीमा खसेर दुर्घटना भएको हो। बालुवा सङ्ग्रीबाट सल्लीबजारतर्फ फर्किने क्रममा उक्त जिप दुर्घटनामा परेको प्रहरीले जनाएको छ।
दुर्घटनामा जिप चालक र जिप धनी भेरी नदीमा बेपत्ता भएका छन्। उनीहरूको पहिचान भने खुल्न बाँकी रहेको सल्यान प्रहरी प्रमुख प्रहरी नायब उपरीक्षक (डीएसपी) दीपक पातलीले जानकारी दिए। बेपत्ताहरूको खोजी तथा उद्धारका लागि सुरक्षाकर्मी र स्थानीयवासी निरन्तर खटिएका छन्।
दुर्घटनामा बनगाड कुपिण्डे नगरपालिका-१, आँपखोलीका २९ वर्षीय प्रेम विक र सोही स्थानका २१ वर्षीय खुमलाल बुढाथोकी घाइते भएका छन्। उनीहरू दुवैको अवस्था सामान्य रहेको र स्थानीय अस्पतालमा उपचार भइरहेको डीएसपी पातलीले बताए।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
