दशौँ राष्ट्रिय खेलकुद मंसिर १६ देखि २९ सम्म कर्णालीमा हुने

काठमाडौं । दशौँ राष्ट्रिय खेलकुद प्रतियोगिता आगामी मंर १६ देखि २९ गतेसम्म कर्णाली प्रदेशमा सञ्चालन गरिने भएको छ। राष्ट्रिय खेलकुद परिषद् ९राखेप० को बिहीबार बसेको १२५औँ बोर्ड बैठकले पाँचौँ पटक मिति सच्याउँदै नयाँ मिति तय गरेको हो।

यसअघि २०७९ कात्तिक–मंसिररमा सम्पन्न नवौँ राष्ट्रिय खेलकुदको समापनका क्रममा १०औँ संस्करण २०८१ मंसिरमा कर्णालीमा गर्ने घोषणा गरिएको थियो। पूर्वाधार निर्माण पूरा नभएको कारण देखाउँदै तोकिएको समयमा प्रतियोगिता हुन नसकेपछि पटकपटक मिति सार्दै आइएको छ।

Advertisement

त्यसपछि २०८१ चैत २३ देखि ३०, २०८२ जेठ ३ देखि १० र आगामी फागुन १ देखि ७ गतेसम्मका लागि मिति तय गरिए पनि बजेट अभाव र प्रशासनिक अन्योलका कारण आयोजना हुन सकेको थिएन।

तात्कालिक खेलकुदमन्त्री बब्लु गुप्ताले २०८२ फागुनमा प्रतियोगिता गराउने निर्णय गरे पनि उनी पदबाट राजीनामा दिएर निर्वाचनमा होमिएपछि प्रतियोगिता पुनः अन्योलमा परेको थियो। अन्ततः राखेप बोर्ड बैठकले मंसिरको मध्यमा प्रतियोगिता गर्ने गरी नयाँ तालिका सार्वजनिक गरेको छ।