२०८३ भाद्र १०, बुधबार १६:३२
पोखरा । गण्डकी प्रदेश सरकारमा सहभागी नेपाल कम्युनिस्ट पार्टी (एमाले) का चार जना मन्त्रीले सामूहिक राजीनामा दिएका छन् । एमाले संसदीय दलको निर्णयपछि मन्त्रीहरूले बुधबार (आज) मुख्यमन्त्री सुरेन्द्रराज पाण्डेलाई भेटेर राजीनामा पत्र बुझाएका हुन् ।
भौतिक पूर्वाधार विकास तथा यातायात व्यवस्था मन्त्री गोविन्दबहादुर नेपाली, उद्योग तथा पर्यटन मन्त्री यशोदा रिमाल, स्वास्थ्य मन्त्री लक्ष्मणबहादुर पाण्डे र कृषि, भूमि व्यवस्था तथा सहकारी मन्त्री भीम कार्की राजीनामा दिएका हुन् ।
एमाले प्रदेश संसदीय दलको आज बसेको बैठकले वर्तमान सरकारबाट बाहिरिने निर्णय गरेको थियो । सोही निर्णय बमोजिम मन्त्रीहरूले मुख्यमन्त्री पाण्डेसमक्ष राजीनामा बुझाएको भौतिक पूर्वाधार विकास मन्त्री नेपालीले जानकारी दिए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×