२०८३ भाद्र ११, बिहीबार ०६:४६
काठमाडौं । अमेरिकाले बाढीबाट प्रभावित नेपाललाई मानवीय सहायता गर्ने घोषणा गरेको छ । अमेरिकी विदेशमन्त्री मार्को रुबियोले नेपालमा आएको विनाशकारी बाढी तथा डुबानप्रति दुःख व्यक्त गरेका छन् ।
सामाजिक सञ्जाल एक्समार्फत सन्देश जारी गर्दै विदेशमन्त्री रुबियोले विपद्को यस घडीमा अमेरिका नेपाली जनताको साथमा रहेको बताएका हुन् । रुबियोले ‘विनाशकारी बाढीपछि हामी नेपाली जनताप्रति ऐक्यबद्धता प्रकट गर्दछौँ र हाम्रो प्रार्थना नेपाली जनताको साथमा छ’ भन्दै विपद्बाट प्रभावित नेपालीप्रति सहानुभूति व्यक्त गरेका छन् ।
उनले बाढी तथा डुबानबाट उत्पन्न संकटमा नेपाललाई आवश्यक मानवीय सहायता उपलब्ध गराउन अमेरिकी विदेश मन्त्रालय नेपाल सरकारसँग सहकार्य गर्न पूर्ण रूपमा तयार रहेको समेत बताए ।
अमेरिकी विदेशमन्त्रीको यो भनाइसँगै बाढी तथा डुबानबाट प्रभावित नेपालीलाई आवश्यक मानवीय सहयोग उपलब्ध गराउन अमेरिका तयार रहेको स्पष्ट भएको छ । रुबियोको सन्देशले विपद्को अवस्थामा नेपालप्रति अमेरिकी समर्थन र ऐक्यबद्धता व्यक्त गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×