काठमाडौं-मुग्लिङ सडकमा यातायात सञ्चालन

काठमाडौं । तीन दिनदेखि अवरुद्ध काठमाडौं–मुग्लिङ सडकखण्डमा आज (शनिबार) बिहानदेखि यातायात सञ्चालनमा आएको छ ।

भोटेकोशीमा आएको बाढीका कारण चितवनको नारायणगढसम्मको सडक प्रभावित भएपछि भदौ १० गतेदेखि पृथ्वी राजमार्गमा यातायात सञ्चालन रोकिएको थियो ।

Advertisement

बाढीका कारण क्षतिग्रस्त सडकमा थुप्रिएको माटो, ढुंगा तथा अन्य अवरोध हटाएपछि हिजो रातिदेखि नै सडक यातायातका लागि खुला गरिएको हो । त्यससँगै आज बिहानदेखि काठमाडौँबाट पृथ्वी राजमार्ग हुँदै सवारीसाधन सञ्चालनमा आएको प्रहरीले जनाएको छ ।

प्रहरीका अनुसार धादिङको बैरेनी बजार क्षेत्रमा करिब एक किलोमिटर सडकमा भने एकतर्फी यातायात सञ्चालन भइरहेको छ । उक्त क्षेत्रबाहेक राजमार्गका अन्य भागमा दुईतर्फी यातायात सञ्चालनमा कुनै समस्या नरहेको प्रहरीले जनाएको छ ।