२०८३ भाद्र १४, आइतबार १४:२२
विराटनगर । गोरखाको त्रिशूली नदी किनारमा भेटिएका तीनवटा शव आफन्तले बुझेका छन् । तीमध्ये इलामका दीपक भन्ने दिवानन्द सुवेदी, गोरखाका यमबहादुर थापा र पाल्पाका प्रहरी हवल्दार दीपेन्द्र विष्ट रहेका छन् ।
इलामको सन्दकपुर गाउँपालिका–३ तुलुवुङ घर भई काठमाडौंको तारकेश्वर नगरपालिका–५ लोलाङ बस्दै आएका सुवेदीको शव आफन्तले बुझेका हुन् । यस्तै, गोरखाको पालुङटार नगरपालिका–६ का यमबहादुर थापा र पाल्पाको तानसेन नगरपालिका–१० का प्रहरी हवल्दार दीपेन्द्र विष्टको शव पनि आफन्तले बुझेका छन् ।
जिल्ला प्रहरी कार्यालय गोरखाका प्रहरी नायब उपरीक्षक राजकुमार श्रेष्ठका अनुसार त्रिशूली नदी किनारमा भेटिएका पहिचान हुन सक्ने ११ वटा शव पोस्टमार्टमका लागि पश्चिमाञ्चल क्षेत्रीय अस्पताल पोखरा पठाइएको थियो । तीमध्ये पहिचान खुलेका शव आफन्तलाई बुझाउने क्रम जारी रहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×