२०८३ भाद्र १४, आइतबार १७:५५
काठमाडौं । रसुवाको भोटेकोशी नदीमा आएको बाढी तथा विपद्मा परेर ज्यान गुमाउनेको संख्या आठ सय नजिक पुगेको छ ।
प्रहरीका अनुसार आइतबार अपरान्हसम्म विभिन्न स्थानबाट ७८८ जनाको शव फेला परेको छ । हालसम्म २ हजार ७४२ जनाको उद्धार गरिएको प्रहरीले जनाएको छ । प्रहरीका अनुसार सबैभन्दा धेरै मानवीय क्षति चितवनमा भएको छ । चितवनमा मात्रै २६४ जनाको शव फेला परेको नेपाल प्रहरीका केन्द्रीय प्रवक्ता डीआईजी अविनारायण काफ्लेले बताए ।
यस्तै, नवलपरासी पूर्वमा १९४, नवलपरासी पश्चिममा १२०, गोरखामा ५८, नुवाकोटमा ५२, धादिङमा ५०, तनहुँमा ३७ र रसुवामा १३ जनाको शव फेला परेको जानकारी उनले दिए ।
घाइते तथा उद्धार हुनेको संख्या पनि उल्लेख्य छ । काफ्लेका अनुसार नुवाकोटबाट २ हजार २० जना, रसुवाबाट ७१९ जना र धादिङबाट ३ जना गरी कुल २ हजार ७४२ जनाको उद्धार गरिएको छ । उद्धार गरिएका अधिकांश घाइते अवस्थामा छन् ।
बाढी तथा विपद्बाट प्रभावित क्षेत्रमा खोज, उद्धार तथा राहतको काम जारी रहेको छ । विपद्का कारण भएको मानवीय तथा भौतिक क्षतिको विवरण संकलन गर्ने काम जारी रहेको प्रहरीले जनाएको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×