२०८३ भाद्र १५, सोमबार १३:३६
काठमाडौं । रसुवागढी जलविद्युत् आयोजनाको सुरुङभित्र मानिस फसेको आशंकामा गरिएको खोजीमा कोही पनि फेला नपरेपछि नेपाली सेनाको उद्धार टोली धुन्चे फर्किएको छ ।
रसुवाको भोटेकोशीमा आएको बाढीपछि आयोजनाको सुरुङको अन्तिम भागमा केही मानिस फसेको हुनसक्ने आशंका गरिएको थियो । त्यसपछि नेपाली सेनाको नेतृत्वमा इन्जिनियर र ड्रोन टोलीसहित सुरुङभित्र खोजी थालिएको थियो ।
उद्धार टोलीले सुरुङको भित्री भाग तथा अन्तिम बिन्दुसम्म पुगेर निरीक्षण गर्नुका साथै ड्रोनसमेत उडाएर खोजी गरेको थियो । तर, खोजीका क्रममा सुरुङभित्र कुनै पनि मानिसको उपस्थिति फेला नपरेको प्रधानमन्त्री बालेन्द्र शाह (बालेन)को सचिवालयले जनाएको छ ।
मानिस नरहेको पुष्टि भएपछि उद्धारका लागि खटिएको नेपाली सेनाको टोली आयोजनास्थलबाट रसुवाको धुन्चे फर्किएको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×