बाढी प्रभावित क्षेत्रबाट झापाका ८ जनाको सकुशल उद्धार, अरूको खोजी हुँदै

काठमाडौं । भोटेकोशी बाढी प्रभावित क्षेत्रबाट झापाका आठ नागरिकको सकुशल उद्धार गरिएको छ । सम्पर्कविहीन रहेका अन्यको खोजी भइरहेको जनाइएको छ ।

झापाबाट प्रतिनिधित्व गर्ने राष्ट्रिय स्वतन्त्र पार्टी (रास्वपा) का सांसद प्रकाश पाठकका अनुसार हालसम्म उद्धार गरिएका झापालीहरुमा २५ वर्षीय देवलाल मुर्मु, ५८ वर्षीया यमुना भट्टराई, २७ वर्षीय पवन भट्टराई, ५० वर्षीया कमलादेवी भट्टराई, ५३ वर्षीया टिकामाया आचार्य, ४६ वर्षीय पुष्कर ढकाल, ५३ वर्षीय तेजनाथ भट्टराई र ३१ वर्षीय सुदिप सुवेदी रहेका छन्।

Advertisement

सांसद पाठकका अनुसार थप १२ जना अझै सम्पर्कविहीन छन् । उनीहरूको खोजी तथा उद्धारका लागि प्रयास भइरहेको उनले जानकारी दिएका छन् ।