२०८३ भाद्र १५, सोमबार १७:३३
काठमाडौं । नेपाली कांग्रेसका सभापति गगन थापा बाढी प्रभावित क्षेत्रको स्थलगत निरीक्षणका लागि सोमबार नुवाकोट पुगेका छन् । सभापति थापा नुवाकोटको विदुर नगरपालिका–३ स्थित बाढी प्रभावित क्षेत्रमा पुगेका हुन् ।
भोटेकोसीमा आएको बाढीका कारण रसुवा, नुवाकोटलगायतका जिल्लामा ठूलो जनधनको क्षति हुनुका साथै सडक, पुल तथा अन्य भौतिक संरचनामा क्षति पुगेको छ । बाढीका कारण प्रभावित क्षेत्रमा उद्धार तथा राहतको काम जारी रहे पनि कतिपय स्थानमा अझै नागरिक समस्यामा छन् ।
विदुर नगरपालिका–३ पुगेर स्थानीयसँग भेटघाट तथा घटनाबारे जानकारी लिने क्रममा सभापति थापासँग स्थानीयले उद्धारमा ढिलाइ भएको गुनासो गरेका थिए ।
स्थानीयले विपद्का बेला समयमै उद्धार तथा राहत नपाउँदा थप समस्या भोग्नुपरेको भन्दै प्रभावितको तत्काल उद्धार र राहत व्यवस्थापनलाई प्रभावकारी बनाउन आग्रह गरेका थिए । सभापति थापाले प्रभावित क्षेत्रको अवस्था तथा स्थानीयका समस्याबारे जानकारी लिएका छन् ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×