२०८३ भाद्र १६, मंगलबार १३:५६
काठमाडौं । दक्षिण कोरियाले रसुवामा आएको बाढीपछि खोज तथा उद्धार कार्यमा सहयोग गर्न ४४ सदस्यीय आपतकालीन उद्धार टोली नेपाल पठाउने भएको छ ।
दक्षिण कोरियाको विदेश मन्त्रालयले मंगलबार विज्ञप्ति जारी गर्दै नेपाल सरकारको अनुरोधपछि खोज तथा उद्धार कार्यमा सहयोग गर्न टोली पठाउन लागिएको जनाएको छ । समाचार संस्था रोयटर्सका अनुसार टोली मंगलबार सैन्य ढुवानी विमानमार्फत नेपाल आउनेछ ।
विदेश मन्त्रालय तथा अग्नि नियन्त्रण निकायका अधिकारीसहितको टोलीले नेपालमा करिब १० दिनसम्म खोज तथा उद्धार कार्यमा सहयोग गर्ने मन्त्रालयले जनाएको छ ।
यसअघि गत साता रसुवा क्षेत्रमा आएको विनाशकारी बाढीपछि दक्षिण कोरियाले जलविद्युत् आयोजनामा कार्यरत बेपत्ता नौ जना दक्षिण कोरियाली नागरिकको खोजीका लागि द्रुत प्रतिक्रिया टोली नेपाल पठाएको थियो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×