तीन दिन अधिकांश प्रदेशमा भारी वर्षाको सम्भावना

Share this
754shares
मुलुकी खबर
मुलुकी खबर
clock२०८३ भदौ १८, बिहीबार १०:१७
फाइल तस्बिर

काठमाडौं । आगामी तीन दिन देशका विभिन्न पहाडी तथा हिमाली क्षेत्रमा भारी वर्षाको सम्भावना रहेको जल तथा मौसम विज्ञान विभागले जनाएको छ। विभागले भारी वर्षा हुने स्थानमा सतर्कता अपनाउन आग्रह गरेको छ।

विभागका अनुसार भदौ आज (बिहीबार) दिउँसो बागमती र गण्डकी प्रदेशका हिमाली तथा पहाडी भूभाग तथा लुम्बिनी, कर्णाली र सुदूरपश्चिम प्रदेशका पहाडी भूभागका एक–दुई स्थानमा भारी वर्षाको सम्भावना छ।

बिहीबार राति कोशी र बागमती प्रदेशका हिमाली तथा बागमती, गण्डकी र लुम्बिनी प्रदेशका पहाडी भूभागका एक–दुई स्थानमा भारी वर्षा हुन सक्ने विभागले जनाएको छ।

भदौ १९ गते दिउँसो कोशी, बागमती र गण्डकी प्रदेशका हिमाली भूभाग तथा बागमती, गण्डकी, लुम्बिनी र कर्णाली प्रदेशका पहाडी भूभागका साथै सुदूरपश्चिमका पहाडी र तराई भूभागका एक–दुई स्थानमा भारी वर्षाको सम्भावना रहेको छ।

यस्तै, भदौ २० गते कोशी, बागमती र गण्डकी प्रदेशका हिमाली भूभाग, बागमती, गण्डकी र कर्णालीका पहाडी भूभाग तथा लुम्बिनी र सुदूरपश्चिमका तराई भूभागका एक–दुई स्थानमा भारी वर्षा हुन सक्ने विभागले जनाएको छ।

विभागले भारी वर्षाको सम्भावना रहेका जिल्लालाई मौसमसम्बन्धी नक्सामा सुन्तला रङले संकेत गरेको छ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.