२०८३ भाद्र १८, बिहीबार १०:५०
काठमाडौं । राष्ट्रिय स्वतन्त्र पार्टी (रास्वपा) को सचिवालय बैठक आज (बिहीबार) बस्दैछ । बैठकका लागि नेताहरू वनस्थलीस्थित पार्टीको केन्द्रीय कार्यालय ‘घन्टीघर’मा भेला हुन थालेका छन् ।
रास्वपा प्रवक्ता जगदीश खरेलका अनुसार बैठकमा रसुवाको भोटेकोशी बाढीपछि उत्पन्न परिस्थिति, मुलुकको पछिल्लो राजनीतिक अवस्था, पार्टीको आन्तरिक संगठन सुदृढीकरण तथा आगामी कार्ययोजनाबारे छलफल हुनेछ ।
भोटेकोशी बाढीपछि उद्धार, राहत तथा पुनःस्थापनाका विषयमा सरकारको भूमिकाबारे बहस भइरहेका बेला रास्वपाले पनि विपद्को अवस्थालाई बैठकको प्रमुख एजेन्डा बनाएको हो ।
बैठकमा पार्टीको संगठन विस्तार तथा आन्तरिक गतिविधिलाई थप प्रभावकारी बनाउने विषयमा पनि छलफल हुने प्रवक्ता खरेलले बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×