२०८३ भाद्र २१, आइतबार ०६:५४
फाइल फोटो ।गोरखा । गोरखाको चुमनुब्री गाउँपालिका–४ नाम्रुङमा मान्द्रुङ खोलामा आएको बाढीले तीनवटा घर बगाएको छ ।
भारी वर्षापछि खोलामा अचानक आएको बाढीले स्थानीय नगु छिरिङ, उर्गीन लामा र लाक्पाभुटी लामाको घर बगाएको गाउँपालिका अध्यक्ष निमा लामाले जानकारी दिए । बाढीका कारण मान्द्रुङ खोलामाथि रहेको एउटा फलामे पुलमा समेत क्षति पुगेको गोरखा प्रहरीका डीएसपी राजकुमार श्रेष्ठले बताए । उनका अनुसार बाढीबाट मानवीय क्षति भने भएको छैन ।
हाल वर्षा रोकिएसँगै मान्द्रुङ खोलाको बहाव पनि घट्दै गएको प्रहरीले जनाएको छ । बाढीपछि सम्भावित जोखिमलाई मध्यनजर गर्दै प्रशासनले नदी तथा खोला तटीय क्षेत्रमा बसोबास गर्ने नागरिकलाई सतर्कता अपनाउन आग्रह गरेको छ ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×
