२०८३ आश्विन ४, आइतबार १८:४५
काठमाडौं । सत्तारुढ राष्ट्रिय स्वतन्त्र पार्टी (रास्वपा)ले संयुक्त राष्ट्रसंघको महासभामा नेपालको सहभागितालाई प्रभावकारी बनाउन सरकारलाई विभिन्न विषयमा केन्द्रित भएर तयारी गर्न निर्देशन दिएको छ ।
रास्वपाको आइतबार बसेको सचिवालय बैठकले प्रधानमन्त्री बालेन्द्र शाह (बालेन) र परराष्ट्रमन्त्री शिशिर खनालसहित महासभामा सहभागी हुने टोलीलाई यस्तो नीतिगत निर्देशन दिएको हो । बैठकका निर्णय सार्वजनिक गर्दै पार्टीका प्रवक्ता जगदीश खरेलले महासभामा नेपालको सहभागितासम्बन्धी विषयलाई सात निर्णयमध्ये दोस्रो बुँदामा समेटिएको जानकारी दिएका छन् ।
रास्वपाले महासभामा नेपालको भोटेकोशी विपद्सँग जोडिएका बहुआयामिक विषयलाई प्राथमिकताका साथ उठाउन सरकारलाई भनेको छ । त्यस्तै, बदलिँदो राजनीतिक परिस्थिति, नेपालको समृद्धि, अन्तर्राष्ट्रिय सम्बन्ध तथा विश्वमञ्चमा नेपालको भूमिकाका बारेमा पनि सम्बोधन केन्द्रित गर्न निर्देशन दिइएको छ ।
रास्वपाले प्रधानमन्त्री, परराष्ट्रमन्त्रीलगायतको कार्यदललाई यी विषय समेटेर महासभाका लागि आवश्यक तयारी गर्न आग्रह गरेको हो ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी
×