कृष्णभीरमा फेरि पहिरो, सडक अवरुद्ध

Share this
751shares
मुलुकी खबर
मुलुकी खबर
clock२०८३ असोज ९, शुक्रबार ०६:२२

काठमाडौं । बिहीबारदेखि परेको अविरल वर्षाका कारण कृष्णभीरमा फेरि पहिरो खसेको छ । पहिरोका कारण सडक पूर्ण रूपमा अवरुद्ध भएको छ ।

इलाका प्रहरी कार्यालय गजुरीका अनुसार बिहीबार राति सडकमाथिबाट ठूला ढुंगा र चट्टानसहितको पहिरो खसेपछि आवागमन पूर्ण रूपमा ठप्प भएको हो ।

यसअघि गत भदौ १४ गते त्रिशूली नदीमा आएको बाढीले सडकको भित्ता कटान गर्दा कृष्णभीरमा भीषण पहिरो गएको थियो । पहिरो गएको स्थानभन्दा माथि २७० मिटर नयाँ ट्र्याक खोलेर ग्राभेल गरिएपछि गत असोज १ गतेदेखि मात्रै सडकमा दुईतर्फी सवारीसाधन सञ्चालनमा ल्याइएको थियो । तर, फेरि पहिरो खसेपछि सडक पुनः अवरुद्ध बन्न पुगेको छ ।

नागढुंगा–मुग्लिङ सडक खण्डमा पर्ने कृष्णभीर वर्षायाममा बारम्बार पहिरोको जोखिममा पर्ने गरेको छ, जसका कारण यस सडक मार्गबाट आवागमन गर्ने यात्रु र सवारी चालकहरूलाई नियमित रूपमा सास्ती खेप्नुपरेको छ ।

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.