२०८३ कात्तिक २७, शुक्रबार १६:४५
खाँदबारी । संखुवासभामा घाँस काट्ने क्रममा रुखबाट खसेर एक जनाको मृत्यु भएको छ ।
सभापोखरी गाउँपालिका–२ देउराली हुत्तिखिमका ६० वर्षीय लेकबहादुर लिम्बूको शुक्रबार दिउँसो चिउरीको रुखबाट खसेर मृत्यु भएको हो । घाँस काट्न रुखमा चढेका लिम्बू अचानक तल खसेका थिए । गम्भीर चोट लागेका उनको घटनास्थलमै मृत्यु भएको जिल्ला प्रहरी कार्यालयले जनाएको छ ।
आफन्तले प्रहरीलाई घटनाको जानकारी गराएपछि प्रहरी टोली पुगेको थियो । मृतकको शव परीक्षणका लागि जिल्ला अस्पताल खाँदबारी ल्याइएको इन्स्पेक्टर धीरज राईले जानकारी दिए । उनले घटनाको थप अनुसन्धान भइरहेको बताए ।
इमेल: [email protected]
ठेगाना: विराटनगर–२
मोबाइल नं. : ९८१९३३६४१६, ९८५२०५१७६५, ९८०७०१४०८१
कम्पनी रजिष्ट्रार दर्ता नं. : ३५०५५२–८१/८२
सूचना विभाग दर्ता नं. : ४६८३–२०८१/२०८२
सम्पादक : किशोर बुढाथोकी