कोशीमा बल्ल बोलाइयो प्रदेशसभा बैठक, मुख्यमन्त्रीकै कारण बनेको थियो बन्धक

Share this
712shares
मुलुकी खबर
मुलुकी खबर
clock२०८१ भदौ ४, मंगलबार १६:१६

विराटनगर । कोशीमा मुख्यमन्त्री हिक्मतकुमार कार्कीका कारण लामो समयदेखि बन्धक बनेको प्रदेशसभा बैठक (संसद) बल्ल बोलाइएको छ ।

बैठक बोलाउन सत्तारुढ दलकै सांसद (प्रदेशसभा सदस्य)ले दबाब दिएका थिए । बजेट पारित गरेपछि गत असार ८ गतेबाट बैठक स्थगित गरिएको थियो । सबैतिरबाट दबाब बढेपछि सभामुख अम्बरबहादुर विष्ट संसद बैठक बोलाउन बाध्य भएका हुन् ।

प्रदेशसभा सचिव गोपालप्रसाद पराजुलीले मंगलबार सूचना जारी गरेर भदौ १८ गते दिउँसो १ बजेलाई संसद बैठक आह्वान गरिएको जानकारी दिएका छन् । प्रदेशसभाको पाँचौं अधिवेशनको तेह्रौं बैठक बसेर असार ८ बाट संसद स्थगित गरिएको थियो । त्यसपछि चौधौं बैठक बोलाउन निक्कै समय लाग्यो ।

अहिले पनि अबको दुई सातापछिका लागि मात्रै बैठक बोलाइएको छ । यसबाट सभामुखले मुख्यमन्त्रीलाई अनुकूल हुने गरी बैठक बोलाएको स्पष्ट हुन्छ ।

नेपाली कांग्रेस संसदीय दलका नेतासँगको सल्लाहमा मुख्यमन्त्री कार्कीले जनताको आवाज बोल्ने थलो संसदलाई स्वार्थपूर्ण हिसाबले बन्धक बनाइदिएका थिए । मुख्यमन्त्रीका कारण संसद बन्धक बनेपछि प्रतिपक्षीले विरोध गरेका मात्रै थिएनन्, सत्तारुढ दलका सांसदसमेत असन्तुष्ट बनेका थिए ।

दुइतिहाई बहुमत सरकारको छायाँमा प्रदेशसभा परेको भन्दै प्रतिपक्षी दल नेकपा (माओवादी केन्द्र)सहित सत्तारुढ सांसदले नै विरोध गरेपछि सभामुख विष्टले दुई साता पछाडिको मिति राखेर बैठक बोलाएका हुन् ।

नेपाली कांग्रेसलाई सरकारमा सहभागी गराउन मन्त्रालय विभाजन गर्ने तयारी गरेका मुख्यमन्त्री कार्कीले सरकार विस्तारपछि मात्रै संसद बोलाउन सभामुखलाई दबाब दिएका थिए । सभामुखले पनि उनैलाई सहज हुने गरी बैठक बोलाइदिएका छन् ।

मुख्यमन्त्री कार्की कांग्रेसका मन्त्रीलाई शपथ गराएर मात्रै संसदको बैठक सुचारु गर्ने तयारीमा थिए । कांग्रेसले कार्की नेतृत्वकै सरकारमा सहभागी हुने निर्णय गरिसकेको छ । तर, आन्तरिक भागबन्डा नमिल्दा कांग्रेसले हालसम्म मन्त्रीको टुंगो लगाउन सकेको छैन । सरकार विस्तार नहुँदाको असर संसदले झेल्नु परेको थियो ।

संसद बस्न नसक्दा प्रदेशसभामा यसअघि दर्ता भएका विधेयकहरु अलपत्र परेका थिए । प्रदेश निजामती सेवा ऐन, २०७९ लाई संशोधन गर्न बनेको विधेयक, केही प्रदेश ऐनको साविकको व्यवस्था जगाउने सम्बन्धमा व्यवस्था गर्न बनेको विधेयक र प्रदेश कृषि व्यवसाय प्रवर्धन अनुदान ऐन, २०७७ लाई संशोधन गर्न बनेको विधेयक सरकारले संसदमा टेवल गरेको थियो ।

प्रदेशसभा बैठक नबस्दा विधेयकमाथिको छलफल अघि बढेको थिएन । लामो समयदेखि संसद बस्न नसकेर विधेयकहरु अलपत्र पर्दा पनि मुख्यमन्त्रीले बैठक बोलाउन नचाहनुलाई उनको स्वार्थ जोडिएको रूपमा हेरिएको थियो ।

माओवादीले संसद आह्वान नगरेर मुख्यमन्त्रीको चाहाना अनुसार सभामुख चलिरहेको आरोप लगाएको थियो । ‘संसद दुईतिहाइ बहुमतको छायाँमा पर्यो,’ दलका नेता इन्द्रबहादुर आङ्बो यसअघि भनेका थिए, ‘सभामुखले बैठक बोलाउन नसक्दा जनताको आवाज उठाउने थलो बन्धक बन्यो ।’

संसद बैठक अनिश्चित बनेपछि सत्तारुढ नेकपा (एमाले) र कांग्रेसकै सांसद असन्तुष्ट बनेका थिए । उनीहरुले तत्काल बैठक बोलाउन माग गरेर दबाब सिर्जना गरेका थिए ।

सत्तारुढ दलका नेताले बैठक रोकेपछि एमालेका प्रमुख सचेतक रेवतीरमण भण्डारी र पूर्वमुख्यमन्त्री तथा नेपाली कांग्रेसका सांसद केदार कार्कीलगायतले तत्काल बैठक बोलाउन माग गरेका थिए । भण्डारीले संसद बोलाउन सभामुखले ‘इनिसिएसन’ लिनुपर्नेमा जोड दिएका थिए ।

प्रदेशसभा बैठक बोलाउने जिम्मेवारी सभामुखको हो । प्रदेशसभा बस्न नसक्दा दर्ता भएका विधेयकहरू अलपत्र परेको भण्डारीको भनाइ थियो ।

पूर्वमुख्यमन्त्री कार्कीले कांग्रेसलाई देखाएर बैठक रोक्न नहुने बताउँदै आएका थिए । नेपाली कांग्रेसको कारण कोशीको संसद बस्न नसकेको भन्नु हास्यास्पद भएको उनको टिप्पणी थियो । यो बर्खाको विपद्मा सबैभन्दा बढ़ी क्षति कोशीले ब्यहोरेको बताउँदै कार्कीले जनताको आवाज उठाउने थलो संसदलाई कुनै पनि बहानामा बन्धक बनाउन नमिल्ने बताउँदै आएका हुन् ।

मुख्यमन्त्री कार्कीले केही दिनअघि कांग्रेसले आग्रह गरेका कारण संसद बैठक केही दिन रोकिएको बताएका थिए । उनको कुराले पनि कांग्रेससँग मिलेर मुख्यमन्त्रीले नै संसदलाई बन्धक बनाएको प्रष्ट हुन्थ्यो ।

कांग्रेस संसदीय दलका नेता उद्धव थापाले मुख्यमन्त्रीलाई सरकार विस्तारपछि बैठक बोलाउन आग्रह गरेको स्वीकार गरेका थिए । ‘सरकार विस्तारका लागि माथि (केन्द्रमा) छलफल चल्दैछ । बैठक केही दिनपछि बोलाउँदा हुन्छ भनेका छौं । सरकारले आफ्नो काम गरिरहेकै छ,’ उनले भनेका थिए ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.