खगेनसिङ हाङगाम : प्रहरीलाई मार्ने धम्की, १ वर्षपछि मन्त्री

Share this
773shares
मुलुकी खबर
मुलुकी खबर
clock२०८१ भदौ २८, शुक्रबार १९:०४

विराटनगर । ताप्लेजुङको फुङ्लिङमा १ वर्षअघि मिनी मेला चलिरहेको थियो । मेलामा प्रहरी र प्रदेश सांसदको समूहबीच विवाद भयो ।

मेलाकै क्रममा २०८० भदौ २१ गते प्रहरी र ताप्लेजुङको निर्वाचन क्षेत्र नम्बर १ ‘ख’बाट निर्वाचित कोशी प्रदेशसभा सदस्य (सांसदं) खगेनसिङ हाङगामको समूहबीच विवाद भएको हो । विवाद थप चर्कदै गयो । ताप्लेजुङका तत्कालीन प्रहरी प्रमुख डीएसपी राजन लिम्बू र हाङगामबीच आरोप प्रत्यारोप नै चल्यो ।

कुरो त्यतिमा मात्रै सीमित रहेन । प्रहरीले हाङगामका कार्यकर्तामाथि धरपकड गरेको थियो । भोलिपल्ट अर्थात भदौ २२ गते हाङगामले फुङलिङमा कोणसभाको आयोजना गरेर डीएसपी लिम्बू र उनका परिवारलाई ज्यान मार्ने धम्की दिए । डीएसपीलाई तथानाम गालीगलौज गरे । बर्दी खोलेर भिड्न आउन चेतावनी दिए ।

हाङगामले डीएसपी लिम्बूलाई धम्की दिँदै भनेका थिए, ‘अब कुनै पनि सरकार नेपाली कांग्रेसको नेतृत्वमा भयो भने, कहाँ बस्छस् । के खान्छस् । कस्तो लुगा लाउँछस् । तेरो बाउ आमा कहाँ छ । तेरो छोराछोरी कहाँ छ । त्यो पनि पत्ता लगाएर मार्छौं । पानीमुनि लुकोस् कि पानी माथि । सक्छस् भने यहाँ आइज । म लुगा खोल्न तयार छु तँसँग । खेल्न सक्छस् भने आइज । तेरो पेस्तोल लिएर आउँछस् कि बर्दी खोलेर आउँछस् । तँलाई म २ सेकेण्ड राख्दिन बाँकी । याद गर ।’

हाङगामले भनेजस्तो कांग्रेसको नेतृत्वमा सरकार त छैन । तर, नेकपा (एमाले) कोशी प्रदेश संसदीय दलका नेता हिक्मतकुमार कार्की नेतृत्वको सरकारमा उनी मन्त्री भएका छन् । केन्द्रमा पनि एमाले अध्यक्ष केपी शर्मा ओलीको नेतृत्वमा रहेको सरकारमा कांग्रेस सहभागी छ ।

जनताबाट निर्वाचित सांसदजस्तो व्यक्तिले अपराधिक शैली अपनाउँदै जिल्लाको शान्ति सुरक्षा, अपराध नियन्त्रण र अनुसन्धानको नेतृत्व गरेर बसेका प्रहरी अधिकृतमाथि त्यसरी धावा बोल्नु सामान्य विषय थिएन । तर, राजनीतिक आवरणमा गरिएको त्यो गैरराजनीतिक र अपराधिक हर्कतमा उनले उन्मुक्ति पाए ।

प्रहरी अधिकृत र उनका परिवारलाई किटान गरेरै सार्वजनिकस्थलबाट मार्ने धम्की दिएका हाङगाम मन्त्री बनेपछि भने केही नरम देखिएका छन् । तर, विगतको त्यो अराजनीतिक र अराजक घटना उनले बेलाबखत सम्झिरहने छन् । बिर्सिनै सक्दैनन् । न त तत्कालीन डीएसपी लिम्बूले नै बिर्सन्छन् ।

जनताबाट निर्वाचित सांसदजस्तो व्यक्तिले अपराधिक शैली अपनाउँदै जिल्लाको शान्ति सुरक्षा, अपराध नियन्त्रण र अनुसन्धानको नेतृत्व गरेर बसेका प्रहरी अधिकृतमाथि त्यसरी धावा बोल्नु सामान्य विषय थिएन । तर, राजनीतिक आवरणमा गरिएको त्यो गैरराजनीतिक र अपराधिक हर्कतमा उनले उन्मुक्ति पाए । कारबाही भएन ।

हाङगामका ठाउँमा सामान्य सर्वसाधारण हुनु थियो भने प्रहरीले के गर्थ्यो होलाभन्ने आमप्रश्न उठेकै छ । किनभने कुनै पहुँच नहुने सामान्य नागरिकमाथि प्रहरीले गर्ने वा गरिरहेको व्यवहार सबैले देखेकै र भोगेकै हो । हुन त जोसुकै भएपनि त्यस्ता अराजक शैली अपनाएर शान्ति सुरक्षाको अवस्था भाँड्न खोज्ने र सुरक्षा अधिकारी तथा उनका परिवारलाई खोजीखोजी मार्नेसम्मको धम्की दिनेलाई कारबाही हुनैपर्नेमा दुबिधा थिएन ।

हाङगामलाई कारबाही हुने त निक्कै परको कुरा भयो । उल्टै घटनाको १ वर्षपछि पुरस्कारबापत मन्त्री पद पाएका छन् । सार्वजनिक मञ्चबाट डीएसपी र उनका परिवारलाई मार्ने धम्की दिएका उनलाई कांगे्रेसले कोशी प्रदेश सरकारमा मन्त्री बनाउने विवादास्पद निर्णय लिएको हो ।

कांग्रेसभित्र शेरबहादुर देउवा समूहका सांसद हाङगाम शुक्रबार कोशीको उद्योग, कृषि तथा सहकारीमन्त्री बनेका छन् । कांग्रेसले उनीसँगै भूपेन्द्र राईलाई भौतिक पूर्वधार र सदानन्द मण्डललाई पर्यटन, वन तथा वातावरणमन्त्री बनाएको छ । भूमिप्रसाद राजवंशी भौतिक पूर्वाधार राज्यमन्त्री बन्नेका छन् ।

हाङगामले कानुन हातमा लिएर अमर्यादित, उत्तेजक र माहोल भड्काउने हिसाबले सार्वजनिक मञ्चबाट हिंसात्मक अभिव्यक्ति दिएका थिए । तर, पक्राउ गरेर कारबाही अघि बढाउन प्रहरी डरायो ।

हाङगाम र डीएसपी जोडिएको घटनालाई भने त्यतिबेलै सामसुम पारेर मिलाइएको थियो । सत्तारुढ दलका सांसद भएकै हिसाबबाट उनले उन्मुक्ति पाएका थिए ।

हाङगामले कानुन हातमा लिएर अमर्यादित, उत्तेजक र माहोल भड्काउने हिसाबले सार्वजनिक मञ्चबाट हिंसात्मक अभिव्यक्ति दिएका थिए । तर, पक्राउ गरेर कारबाही अघि बढाउन प्रहरी डरायो । फलस्वरुप मन्त्री बनेर शपथ लिइसकेका छन् ।

नेपाली कांग्रेस प्रदेश संसदीय दलका प्रमुख सचेतक गोपाल तामाङले जनताको भोट जितेर सांसद भएको मान्छेलाई मन्त्री बनाउनु स्वभाविक भएको बताए । ‘त्यतिबेलाको घटना भनेको परिस्थितिजन्य कुरा हो । त्यो व्यक्तिगत कुरा हो । लडाइँ झगडा त मान्छेको हुन्छ । हाम्रो ‘ह्युमन नेचर’ पनि त छ । राजनीतिमा पार्टीबाट टिकट पाउँदै जनताको भोट जितेर आएपछि मन्त्री बनाउनु स्वभाविक हो,’ उनले भने ।

तामाङका अनुसार केही न केही योगदान गरेकै कारण चुनाव जितेर आएकाले हाङगामलाई मन्त्री बनाइएको जानकारी दिए । ‘त्यो ठूलो कुरा हैन । सांसदजस्तो मान्छेलाई डीएसपीले पनि धम्क्याउन हुने थिएन । समाचार लेखे हुन्छ, केही फरक पर्दैन,’ तामाङले भने ।

त्यतिबेला सांसदले ज्यान मार्ने धम्की दिएकामा प्रहरीले आपत्ति प्रकट गरेको थियो । कोशी प्रदेश प्रहरी कार्यालय विराटनगरका तत्कालीन एसपी ऋषिराम कँडेलको नेतृत्वमा छानबिन समिति नै बनाइएको थियो । तर, समिति देखाउनकै लागि मात्रै बनाइयो । त्यो समितिले के काम गर्यो र कस्तो प्रतिवेदन बनायो भनेर अहिलेसम्म थाहा छैन ।

उनले दिएको अभिव्यक्ति गलत भए पनि वातावरण बिगार्ने काम प्रहरीबाटै भएको प्रतिक्रिया दिएर कांग्रेसले हाङगामलाई बचाएको थियो । प्रहरीले सादा पोसाकमा गएर व्यक्तिको घर तोडफोड गरेको, ढोका बाहिर निकालेको, कुटपिट गरेको र गुन्डागर्दी शैली अपनाएको आरोप कांग्रेसको थियो । सार्वजनिक हिसाबले हिंसा भड्काउने गरी उत्तेजक अभिव्यक्ति दिने सांसदलाई बचाएको कांग्रेसले अहिले मन्त्रीले बनाएको छ ।

हाङगाम मन्त्री भएपछि अनेक टीकाटिप्पणी हुन थालेको छ । राजनीतिमा लागेर यस्ता अपराधिक उधुम मच्चाउनेले नै कारबाहीको साटो मन्त्रीजस्तो सम्मानित पद पाउँछन् भन्ने स्थापित भएको छ ।

मेलामा सहभागी भएका पेमा लामा तामाङ सुकेटार घुमफिर गरी फर्कने क्रममा प्रहरीले मुक्का प्रहार गर्नुका साथै आँखामा गम्भीर चोट लग्नेगरी सेटले समेत हिर्काएको कांग्रेसको दाबी थियो । घटनाका बारेमा बुझ्न खोज्दा हाङगामलाई बर्दी र सादा पोसाकका प्रहरीले गालीगलौज गर्नुका साथै उनको घरमा ढुंगामुडासमेत गरेको दाबी गरेर कांग्रेसले उनलाई उन्मुक्ति दिन भूमिका खेलेको हो ।

हाङगाम मन्त्री भएपछि अनेक टीकाटिप्पणी हुन थालेको छ । राजनीतिमा लागेर यस्ता अपराधिक उधुम मच्चाउनेले नै कारबाहीको साटो मन्त्रीजस्तो सम्मानित पद पाउँछन् भन्ने स्थापित भएको छ ।

हाङगाम भन्छन् : कुरो मिलिसक्यो
मन्त्रीको जिम्मेवारी सम्हालेका हाङगाम भने कुरो मिलिसकेको बताउँछन् । ‘म ताप्लेजुङका जनताले चुनाव जिताएको एउटा भीआईपी हो । भीआईपी बसेको कोठामा प्रहरी राति आएको छ । मेरा छोराछोरी पनि छन्,’ त्यसबेला प्रहरीले आएर घरमा खोजतलास गरेको घटना सम्झदै उनले भने, ‘त्यसमा उहाँ (डीएसपी) र मेरोबीचमा उहाँले आत्मसमीक्षा गरेर मिलिसकेको कुरा हो । यसलाई बल्झाउँदा उहाँमा पनि खिन्नता बोध हुनसक्छ ।’

क्रान्तिबिना मुलुक परिवर्तन भएको छैन । त्यो दौरानमा उतारचढाव हुन्छन् नै । उहाँ (डीएसपी)ले अलिकति मिस्टेक गर्नु भयो । तर, हामी मिलिसकेका छौं । अहिले हाम्रो सम्बन्ध राम्रो छ । बितिसकेको कुरा बाहिर ल्याउँदा समाजमा नराम्रो सन्देश जाने हाङगामले बताए ।

तत्कालीन डीएसपी लिम्बूको जन्मघर पनि ताप्लेजुङ भएको बताउँदै हाङगाम भन्छन्, ‘सामीप्यता छ हामीबीचमा । क्रान्तिबिना मुलुक परिवर्तन भएको छैन । त्यो दौरानमा उतारचढाव हुन्छन् नै । उहाँ (डीएसपी)ले अलिकति मिस्टेक गर्नु भयो । तर, हामी मिलिसकेका छौं । अहिले हाम्रो सम्बन्ध राम्रो छ ।’ बितिसकेको कुरा बाहिर ल्याउँदा समाजमा नराम्रो सन्देश जाने उनले बताए ।

‘त्यतिबेला थोरै ‘मिसअन्डरस्ट्यान्डिङ’ले समस्या भयो होला । आत्मालोचित भइसकेको कुरा हो । सकारात्मक कुराले मुलुकलाई राम्रो हुन्छ । अब नराम्रोतिर जान हुँदैन । तपाईंहरुले पनि बुझिदिनुपर्छ । क्रान्ति र संघर्ष गर्ने क्रममा केही कमजोरी भए होलान्,’ हाङगामले मुलुकी खबरसँग सौहार्दपूर्ण हिसाबले आफ्ना कुरा राखे । मन्त्रीको शपथपछि पदभार सम्हालेका उनले प्रदेशको कृषि क्षेत्रको विकासका लागि सबै पक्षसँग समन्वय र सहकार्य गरेर अघि बढ्ने प्रतिबद्धता जनाएका छन् ।

तपाइको प्रतिक्रिया
कांग्रेसको ‘हामी तयार छौँ’ अभियान सुरु हुँदै
विवादमा तानिएका न्यायाधीश फुयाल नियमित काममा फर्किंदै
अन्तर्राष्ट्रिय विद्यार्थी दिवस: साहस र अधिकार सम्झाउने दिन
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
© 2024 Muluki Khabar. All Rights Reserved. Design & Develop By: Indesign Media Pvt. Ltd.