रंगेलीमा फिर्ता भयो कांग्रेसको आन्दोलन

Share this
724shares
मुलुकी खबर
मुलुकी खबर
clock२०८१ भदौ ३०, आइतबार १६:५०

विराटनगर । नेपाली कांग्रेसले रंगेली नगरपालिकाविरुद्ध सुरु गरेको आन्दोलन फिर्ता भएको छ । पालिका नेतृत्व कर घटाउन सहमत भएपछि एकसातादेखि चलेको कांग्रेसको आन्दोलन फिर्ता भएको हो ।

पालिकाले वृद्धि गरेको कर फिर्ताको माग गर्दै नेपाली कांग्रेसले रंगेलीमा एकसातायता आन्दोलन गरिरहेको थियो । आइतबारको छलफलपछि आन्दोलनका कार्यक्रम फिर्ता भएको नेपाली कांग्रेस मोरङ सचिव मोदराज घिमिरेले जानकारी दिए । ‘हामीले उठाएको एजेण्डा अनुसार माग सम्बोधन गर्न पालिका तयार भएपछि आन्दोलन फिर्ता भयो,’ उनले भने ।

पालिकाले मालपोत कर प्रतिकट्ठा २० रुपैयाँबाट बढाएर ३४ रुपैयाँ बढाएको थियो । कांग्रेसले २६ रुपैयाँमा झार्न माग गरेको थियो । २६ रुपैयाँमा झार्न पालिका नेतृत्व सहमत भएको छ । त्यस्तै फुसको घरको यसअघि १०० रुपैयाँ कर निर्धारण गरिएको थियो, अब कर नलगाउने सहमति भएको घिमिरेले बताए । सिफारिस दस्तुर पाँच सयमा झारिएको उनले बताए ।

कांग्रेस, नेकपा (एमाले) जिल्ला तहका पदाधिकारी र पालिका प्रमुख र उपप्रमुखसहितको छलफलपछि पालिका कर घटाउन सहमत भएको थियो । २ दलबीच भएका सहमति अनुसार वृद्धि भएको घर अब घट्ने घिमिरेले बताए ।

बैठकमा नगरपालिकाका मेयर दिलिप बगडिया र उपमेयर भूमाकुमारी पराजुली, कांग्रेसका कार्यवाहक सभापति भक्तिनाथ माझी, उपसभापति नागेश कोइराला, सचिव घिमिरे, एमाले केन्द्रीय सदस्य जीवन घिमिरे, मोरङ अध्यक्ष बाबुराम कार्की, सचिव रविन थापालगायतको उपस्थित थिए । कांग्रेसले गरेको आन्दोलनका कारण नगरपालिकाको दैनिक कामकाजसमेत प्रभावित भएको थियो ।

तपाइको प्रतिक्रिया
मंसिर ९ गतेदेखि आत्मानन्द गोल्डकप, ८ टिमको सहभागिता
इलामको टोड्केमा वार्षिक एक करोड २० लाखको टमाटर उत्पादन
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
© 2024 Muluki Khabar. All Rights Reserved. Design & Develop By: Indesign Media Pvt. Ltd.