प्रधानमन्त्री स्वदेश फर्किएपछि मात्रै रविका बारेमा निर्णय लिने प्रहरीको तयारी

Share this
717shares
मुलुकी खबर
मुलुकी खबर
clock२०८१ असोज ८, मंगलबार १४:४४

काठमाडौं । सहकारी ठगीमा जोडिएका पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछाने तत्काल पक्राउ पर्ने सम्भावना नरहेको प्रहरी उच्च स्रोतले जनाएको छ ।

गोर्खा मिडिया नेटवर्कका तत्कालीन संचालक छविलाल जोशी पक्राउ परेलगत्तै रवि पनि पक्राउ पर्ने आकलन गरिएको थियो । काठमाडौंबाट पक्राउ गरेर छविलाललाई पोखरा लगिएको छ । सरकारी वकिल कार्यालयमा उनको बयान जारी छ ।

छविलगत्तै रवि पनि पक्राउ पर्ने चर्चा चलेको थियो । तर, प्रहरी अधिकारीहरुले पक्राउको तयारी नरहेको जनाएका छन् । संसदीय विशेष छानबिन समितिले गोरखा मिडियाका तत्कालीन अध्यक्ष जीबी राई, प्रबन्ध निर्देशक रवि, सञ्चालक समिति सदस्य छविलाल र सूर्यदर्शन सहकारीका कोषाध्यक्ष कुमार रम्तेललाई कारबाहीको सिफारिस गरेको छ ।

गृहमन्त्री रमेश लेखकको निर्देशनपछि प्रहरीले गोर्खा मिडियाका संचालकमाथि अनुसन्धान सुरु गरेको छ । गृहमन्त्रीको निर्देशनलगत्तै पक्राउ परेका छविलालविरुद्ध ठगी, संगठित अपराधसमेतमा मुद्दा चलाउन प्रहरीले अनुसन्धान गरिरहेको छ । कुमार यसअघि नै पक्राउ परेर थुनामा छन् ।

रवि र जीबी पक्राउ परेका छैनन् । तर, फरार रहेका जीबीलाई खोजिरहेको प्रहरीले पूर्वगृहमन्त्री रवि तत्काल पक्राउ पर्ने सम्भावना नरहेको जनाएको छ । प्रहरीले पक्राउ पूर्जी पनि लिएको छैन ।

प्रधानमन्त्री केपी शर्मा ओली अहिले अमेरिकामा रहेकाले उनी फर्किएपछि मात्रै रविका बारेमा निर्णय लिइने प्रहरी उच्च स्रोतले बतायो । ‘यो राजनीतिक विषय हो । संयुक्त राष्ट्र संघको महासभामा भाग लिन गएका प्रधानमन्त्री नफर्किएसम्म रविका बारेमा कुनै निर्णय हुने सम्भावना छैन,’ स्रोतले भन्यो । ओली असोज १४ गते स्वदेश फर्किने बताइएको छ ।

प्रहरी महानिरीक्षक वसन्तबहादुर कुँवर पनि इन्टरपोलको बैठकमा भाग लिनलाई ग्रिसतर्फ गएका छन् । उनी असोज १५ गते फर्किने जनाइएको छ । प्रधानमन्त्री र आईजीपी मुलुक बाहिर रहेका कारण उनीहरु नफर्किएसम्म रविलाई पक्राउ गर्न कुनै कदम नचालिने प्रहरी अधिकारीहरु बताउँछन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.