मोरङमा घर बनाउन आएका मिस्त्रीको चट्याङले लागेर मृत्यु

Share this
705shares
मुलुकी खबर
मुलुकी खबर
clock२०८१ असोज ९, बुधबार ११:०५

विराटनगर । मोरङको मिक्लाजुङमा घर बनाउन भनेर आएका मिस्त्रीको मंगलबार राति चट्याङले लागेर मृत्यु भएको छ ।

चट्याङले लागेर झापाको दमक नगरपालिका–४ का ३६ वर्षीय कुमार मोतेको मृत्यु भएको मोरङ प्रहरीका प्रवक्ता डीएसपी ज्ञानेन्द्रबहादुर बस्नेतले बताए । मोते घर बनाउने मिस्त्री हुन् ।

प्रहरीका अनुसार मिक्लाजुङ गाउँपालिका–३ तेह्रथुमे टोल बस्ने भक्तबहादुर नेपालीको घर बनाउन भनेर उनी आएका थिए । नेपाली र मोते नातामा सोल्टी पर्छन् ।

नेपालीको घरको भान्सा कोठाअगाडि उभिएको अवस्थामा राति १० बजेतिर परेको चट्याङले लागेर उनी बेहोस भइ ढलेका थिए । घाइते अवस्थाका मोतेलाई उपचारका लागि दमक अस्पताल लगिएको थियो ।

अस्पताल पुर्याउनसाथ उनलाई चिकित्सकले मृत घोषित गरेको डीएसपी बस्नेतले बताए । घटनाको अनुसन्धान भइरहेको जानकारी उनले दिए ।

 

तपाइको प्रतिक्रिया
© 2024 Muluki Khabar. All Rights Reserved. Design & Develop By: Indesign Media Pvt. Ltd.