कोशीमा आयोगका २ सदस्यले किन दिए राजीनामा ?

Share this
786shares
मुलुकी खबर
मुलुकी खबर
clock२०८१ असोज १०, बिहीबार ११:५७

विराटनगर । कोशी प्रदेशको योजना आयोगका २ जना सदस्यले राजीनामा दिएका छन् ।

आयोगको सदस्यमा यसअघि नियुक्त भएका सुनसरीको धरानका भवानी बराल र विराटनगरकी नमिता न्यौपानेले पदबाट राजीनामा दिएका हुन् । दुवै जना नेकपा (माओवादी केन्द्र)को कोटाबाट आयोगको सदस्यमा नियुक्त भएका थिए ।

कोशी प्रदेश सरकारको मन्त्रिपरिषद्को २०८१ जेठ २८ गतेको निर्णयपछि बराल र न्यौपानेले आयोगको सदस्यमा नियुक्ति पाएका थिए । राजनीतिक नियुक्ति लिएका उनीहरुले माओवादी सत्ता बाहिर पुगेपछि राजीनामा दिएका छन् ।

प्रदेश योजना आयोगका अध्यक्षसमेत रहेका मुख्यमन्त्री हिक्मतकुमार कार्कीलाई २ जनाले नै संयुक्त रूपमा बुधबार राजीनामा बुझाएका हुन् । उनीहरुको राजीनामासँगै अब सत्तारुढ नेपाली कांग्रेसले नाम दिएपछि आयोगका नयाँ सदस्य नियुक्त हुने छन् ।

न्यौपानेले कसैको दबाब र प्रभावमा नभइकन नैतिकताका आधारमा राजीनामा दिएको बताइन् । ‘हामीलाई जुन पार्टीले सिफारिस गरेर पठायो, त्यो नै सरकारमा नभएको र सरकारलाई दिएको समर्थनसमेत पार्टीले फिर्ता लिइसकेका कारण नैतिकताका आधारमा हामीले राजीनामा दिएका हौं,’ उनले भनिन् ।

पार्टी नै सरकारमा नभएपछि पदमा बस्न उपयुक्त नठानेको उनको भनाइ छ । ‘हाम्रो राजनीतिक नियुक्ति हो । पार्टी सरकारबाट बाहिरिएपछि हामीले अगाडिदेखि नै पदमा धेरै दिन बस्न हुँदैन भनेर राजीनामा दिने मनस्थिति बनाएका थियौं,’ न्यौपाने भन्छिन्, ‘कसैको दबाब र प्रभावमा हैन । स्वेच्छाले राजीनामा दियौं ।’

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.