
विराटनगर । नेकपा एमाले विराटननगर महानगर संगठन कमिटीको अध्यक्षमा रोहित कोइरालाले सपथ ग्रहण गरेका छन् ।
विराटनगरस्थित पार्टी कार्यालयमा एक कार्यक्रमकाबीच अध्यक्षसहित नयाँ पदाधिकारीले सपथ ग्रहण गरे ।
एमाले मोरङ जिल्ला संगठन कमिटीको आयोजना भएको कार्यक्रममा एमाले केन्द्रीय सदस्य तथा मोरङ इञ्चार्ज जीवन घिमिरेले नयाँ कमिटीलाई सपथ ग्रहण गराए ।
सो अवसरमा एमाले कोशी प्रदेश कमिटी अध्यक्ष घनश्याम खतिवडा, कोशी प्रदेश कमिटी सचिवालय सदस्य तथा विराटनगर इञ्चार्ज पर्शुराम बस्नेतलगायतले नयाँ कमिटीलाई शुभकामना दिएका थिए ।
जिल्ला संगठन कमिटीको तेस्रो पदाधिकारी बैठकले असोज ९ गते रोहित कोइरालाको नेतृत्वमा २०३ सदस्यीय महानगर कमिटी चयन गरेको थियो ।

























