नागरिकलाई दसैंमा घर जाने सहज वातावरण बनाउन कांग्रेसको माग

Share this
659shares
मुलुकी खबर
मुलुकी खबर
clock२०८१ असोज १६, बुधबार १८:३६

विराटनगर । नेपाली कांग्रेस कोशी प्रदेश समितिले बाढी पहिरोका कारण समस्यामा परेका नागरिकलाई दसैंमा घर जाने सहज वातावरण बनाउन माग गरेको छ ।

बाढी पहिरोमा फसेर नागरिक समस्यामा परेको भन्दै कांग्रेसले घर जान सक्ने वातावरण मिलाउन प्रदेश सरकारसँग माग गरेको हो । कांग्रेस कोशी प्रदेशले विराटनगरमा बुधबार पत्रकार सम्मेलन गर्दै आफ्नो प्रदेशका नागरिकलाई सहजै दसैं मनाउन पाउने वातावरणका लागि विशेष पहल गर्न प्रदेश सरकारलाई अनुरोध गरेको छ ।

बाढी र पहिरोका कारण अवरुद्ध भएका सडकहरु यथाशीघ्र संचालनमा ल्याउन पनि कांग्रेसले माग गरेको छ । केही दिनअगाडि भएको अविरल वर्षाका कारण देशैभरि ठूलो जनधनको क्षति भएको छ ।

कांग्रेसले देशको विषम परिस्थितिमा अकालमा मृत्युवरण गरेका नागरिकप्रति श्रद्धाञ्जली र शोकसन्तप्त परिवारप्रति समवेदना व्यक्त गर्दै घाइतेको शीघ्र स्वास्थ्य लाभको काम गरेको छ । मृतकका परिवारलाई विशेष राहत, पीडित परिवारलाई आवश्यक राहत र घाइतेको निःशुल्क उपचारको व्यवस्था मिलाउन कांग्रेसले अनुरोध गरेको छ ।

साथै, राहत र उद्धारमा जुटन पनि आग्रह गरेको छ । ‘भर्खरै बनेको संयुक्त सरकारको सहकार्यलाई निरन्तरता दिनु अहिलेको आवश्यकता हो,’ कांग्रेसले भनेको छ, ‘तसर्थ, गठबन्धन गर्दा गरिएका सहमतिहरुलाई परिपालना गर्दै अघि बढ्न सरकारमा सहभागी सबै दल र पार्टीका साथीहरुलाई अनुरोध गर्दछौं ।’

कांग्रेसले मुलुकमा बढ्दै गएको कालाबजारी, महँगी र भ्रष्टाचारप्रति गम्भीर ध्यानाकर्षण भएको जनाउँदै नियन्त्रणका लागि सम्बन्धित सरोकारवालाको ध्यानाकर्षण गराएको छ । कालाबजारी, महँगी र भ्रष्टाचारप्रति सचेत हुन नागरिकलाई पनि कांग्रेसले अनुरोध गरेको छ ।

पत्रकार सम्मेलनमा कांग्रेस कोशी प्रदेश कार्यसमितिले पूर्णता पाएको र हालसम्म २२ वटा विभाग गठन भइ कार्यक्रम एवं गतिविधि निरन्तर भइरहेको जानकारी गराइयो । आवश्यक तयारी गरेर पार्टीको प्रदेश सम्मेलन चाँडै गरिने कांग्रेसले जनाएको छ ।

कांग्रेसले विजयादशमी, शुभदिपावली छठलगायतका पर्वहरुको उपलक्ष्यमा सबैलाई शुभकामनासमेत दिएको छ । देशमा राजनैतिक स्थायित्वको कामना पनि गरेको छ । पत्रकार सम्मेलनमा कांग्रेस कोशीका प्रवक्ता यदु विष्ट, नेता राजेश गुप्तालगायत उपस्थित थिए ।

 

 

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.