मंगोल नेशनल अर्गनाईजेशन १६ बुँदे मागसहित अनसनमा

Share this
809shares
मुलुकी खबर
मुलुकी खबर
clock२०८१ असोज २३, बुधबार १४:५७

विराटनगर । विराटनगर महानगरपालिका–४ त्रिमूर्ती चोकस्थित राष्ट्रिय मानव अधिकार आयोगको गेटमा विभिन्न माग राख्दै मंगोल नेशनल अर्गनाईजेशन (एम.एन.ओ)का नेताहरु अनसनमा बसेका छन् ।

मंगोल नेशनल अर्गनाईजेशन डा. गोपाल गुरुङ संगठनको डीजीजी १ नम्बर प्रान्तियसभाले मूलवासीहरुको हक अधिकार पूर्ण रुपमा लागू गर्नुपर्ने लगायतको माग राखेर सोमबारदेखि ३ दिने अनसनमा बसेका हुन् ।

उनीहरुले आइएलओ १६९ अन्तर्राष्ट्रिय महासन्धीअनुसार मूलवासीहरुको हक अधिकार पूर्णरुपमा लागू गर्नुपर्ने मागसहित आन्दोलनको पहिलो चरणमा अनसन बसेको बताए ।

उनीहरुले मूलवासीहरुलाई अन्याय अत्याचारका विरुद्ध विद्रोह गर्न बाध्य पार्न नहुने, देशका जल, जंगल, जमिनमाथि मूलवासी मंगोलको अग्राधिकारी सुनिश्चित हुनुपर्नेलगायत १६ बुँदे माग प्रस्तुत गर्दै आन्दोलनको थालेकाे प्रान्तियसभाका अध्यक्ष नयन्द्र चाम्लिङ राईले जानकारी दिए ।

एमएनओले मानव अधिकार आयोगमा ज्ञापनपत्रसमेत बुझाएका छन् । २१ गतेदेखि ७२ घण्टे अनसनमा बसेको बताउँदै, प्रान्तियसभाका सचिव रुपेन्द्र मंगोलले भने, ‘हाम्रो आन्दोलनको स्वरुप आवश्यकता अनुसार बन्दै अघि बढ्ने छ । यो हाम्रो पहिलो चरणको आन्दोलन हो । ७२ घण्टे अनसनबाट आन्दोलनको सुरुवात गरेका हौं । हामीले उठाएका माग र मुद्दाहरुलाई राज्य वा सम्बन्धित निकायले बेवास्ता गरे आन्दोलनले निरन्तता पाउने छ ।’

हाम्रो अस्तित्व, अधिकार र विश्वले दिएको कानुन अन्तर्राष्ट्रिय कानुन अनुसार देशको मूलवासी मंगोलहरु हकहित, अधिकार, अस्तित्व सुनिश्चित नभएसम्म आन्दोलन शान्तिपूर्ण र वैचारिक रुपमा अगाडि बढ्ने उनले बताए ।

अध्यक्ष नयन्द्र चाम्लिङ राईको नेतृत्वमा मोरङ अध्यक्ष तुलाराम तामाङ, १ नम्बर प्रान्तिय सचिब रुपेन्द्र तामाङ मंगोल, सुनसरी जिल्ला सदस्य शिवभक्त राईलगायत अनसनमा बसेका छन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.