
विराटनगर । नेपाल ट्रेड युनियन कांग्रेसका महासचिव अजयकुमार राई अन्तर्राष्ट्रिय ट्रेड युनियनममा दोस्रो पटक निर्वाचित भएका छन् ।
अफ्रिकाको मोरोक्कोमा सोमबार इन्टरनेशनल ट्रान्सपोर्ट वर्कस फेडेरेशन, बेलायतको ४६ औ वल्र्ड कांग्रेसको इलेक्टोरल बैठकले राईलाई आगामी ५ वर्षका लागि कार्यसमिति सदस्य निर्वाचित गरेको हो ।
सदस्यमा निर्वाचित हुँदै राईले भने, ‘अब हाम्रो उद्देश्य अन्तर्रास्ट्रिय श्रम संस्थासँग सहकार्य गर्दै अन्तर्राष्ट्रिय कानुन बनाउने, श्रमिक हकअधिकारका लागि गतिविधिहरु सञ्चालन गर्दै यातायात श्रमिक संगठनहरुलाई सशक्त बनाउने काम हुनेछ । यातायात मजदुरहरूको पीडालाई सम्बोधन गर्दै श्रमिकको हकअधिकारलाई सशक्त बनाउने पक्षमा काम गर्ने छु ।’
राई सन् २०१८ मा सिंगापुरमा सम्पन्न वल्र्ड कांग्र्रेस बैठकबाट १ सय २८ वर्ष अघि बेलायतमा स्थापित इन्टरनेशनल ट्रान्सपोर्ट वर्कस फेडेरेसनको विश्व कार्य समिति सदस्यमा निर्वाचित भएका थिए ।
निर्वाचित राई करिब ३२ वर्षदेखि नेपालको श्रमिक आन्दोलनमा सक्रिय रहेका छन् ।
त्यसैगरी, ट्रेड युनियनका महासचिव रहेका राई नेपाल यातायात मजदुर संघका प्रमुख सल्लाहकारको जिम्मेवारीमा रहेका छन् ।

























