
काठमाडौं । नेकपा (एकीकृत समाजवादी) का नेता तथा सांसद प्रेम आलेले पार्टी छाड्ने तयारी गरेका छन् । उनी नेकपा एस त्यागेर पुनः एमालेमा फर्कर्ने उनी निकट स्रोतले जनाएको छ ।
पछिल्लो समय नेकपा एसमा असन्तुष्ट संसदहरूको संख्या बढ्दै गएको छ । असन्तुष्ट सांसदहरूको नेतृत्व पनि आलेले नै गरेका छन् । उनलाई बारा–४ बाट निर्वाचित सांसद कृष्णकुमार श्रेष्ठले पनि साथ दिएका छन् ।
आले र श्रेष्ठ नै पछिल्लो समय प्रधानमन्त्री केपी शर्मा ओलीसँग निरन्तर सम्वादमा छन् ।
उनीहरुको आग्रहमा नै प्रधानमन्त्री ओलीले आज/भोलिभित्रै राजनीतिक दल विभाजनसम्बन्धी अध्यादेश ल्याउनेगरि गृहकार्य थालेको स्रोतको दाबी छ ।

























