तिहारलगत्तै रविलाई रुपन्देही लगिने

Share this
792shares
मुलुकी खबर
मुलुकी खबर
clock२०८१ कात्तिक १७, शनिबार २०:००

रुपन्देही । सूर्यदर्शन सहकारी ठगी प्रकरणमा पक्राउ परेका पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछानेलाई तिहारलगत्तै रुपन्देही लगिने भएको छ ।

कात्तिक २ गते पक्राउ परेका रविलाई अनुसन्धानका लागि जिल्ला प्रहरी कार्यालय कास्कीको हिरासतमा राखिएको छ । उनलाई उपस्थित गराउन रुपन्देही प्रहरीले कास्की प्रहरीलाई पत्राचार गरिसकेको छ ।

सूर्यदर्शनको हकमा भने अनुसन्धान अधिकारीहरुले लामिछानेको बयान लिइसकेका छन् । अनुसन्धान र अभियोजन अधिकारीले बयान प्रमाणित पनि गरिसकेका छन् ।

रुपन्देही प्रहरीका अनुसार बुटवलको सुप्रिम बचत तथा ऋण सहकारी ठगीको अनुसन्धान गर्न लामिछानेलाई उपस्थित गराउन पत्राचार गरिएको छ । पर्व बिदा सकिएपछि कास्कीबाट ल्याएर अनुसन्धान सुरु गरिने एक प्रहरी अधिकृतले बताए ।

बुटवल स्थित सुप्रिम बचत तथा ऋण सहकारीबाट रास्वपाका सभापति लामिछानेको नाममा ऋण प्रवाह भएको भेटिएको छ । बुटवल उप महानगरपालिका–९ राजमार्ग चौराहामा सञ्चालित सुप्रिम बचतबाट लामिछानेले २०७७ चैत १८ मा २ करोड ऋण लिएका हुन् ।

२०८१ वैशाखमा रुपन्देही जिल्ला अदालतमा दायर गरिएको अभियोगपत्र अनुसार सो रकम गोरखा मिडिया नेटवर्क प्रा.लिको ग्लोबल आईएमई बैंक लिमिटेडेको खातामा जम्मा गरेको भेटिएको छ । गितेन्द्रबाबु (जीबी) राई र पूर्वउपराष्ट्रपति नन्दबहादुर पुनका छोरा दीपेशकुमार पुनसहित २८ जनालाई प्रतिवादी कायम गरेर यसअघि नै अदालतमा मुद्दा दायर गरिएको थियो ।

तर, त्यसबेला गृहमन्त्री लामिछानेलाई प्रतिवादी नबनाएकोमा प्रश्न उठेपछि अहिले उनीविरुद्ध पूरक अनुसन्धान प्रतिवेदन लैजाने गरी अनुन्धान अघि बढाउन लागिएके हो । इलाका प्रहरी कार्यालय बुटवलले उनीमाथि थप अनुसन्धान गर्ने छ ।

रवि लामिछाने गोरखा मिडिया नेटवर्कमा प्रबन्ध निर्देशक थिए । सुप्रिमका संरक्षक तथा पूर्वअध्यक्ष जीबी राईको समूहले सहकारीको १४ करोड भन्दा धेरै रकम गोरखा मिडिया नेटवर्कमा लगानी गरेको भेटिएको छ । सो १४ करोडमा रविको नामबाट आएको २ करोड पनि जोडिने अनुसन्धान अघिकारीहरु बताउँछन् ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.