रास्वपाका नेताहरुलाई अदालतको अपहेलनामा मुद्दा चल्ने

Share this
712shares
मुलुकी खबर
मुलुकी खबर
clock२०८१ कात्तिक २७, मंगलबार १५:५८

काठमाडौं। सहकारी ठगी प्रकरणको अनुसन्धानका लागि पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सभापति रवि लामिछाने पक्राउ परेयता आन्दोलनरत रास्वपाका नेताहरुलाई अदालतको अपहेलनामा मुद्दा चल्ने भएको छ ।

लामिछानेमाथि अनुसन्धान भइरहँदा अदालतको कामकारबाहीविरुद्ध आन्दोलन गरेको भन्दै रास्वपाका नेताहरुविरुद्ध अपहेलना मुद्दा दर्ता गर्ने तयारी भइरहेको हो । सर्वोच्च अदालतले अदालतको अपहेलना निवेदन दर्ता गर्न आदेश दिएको छ ।

न्यायाधीश विनोद शर्माको इजलासले मंगलबार उक्त आदेश दिएको हो । यसअघि सर्वोच्च प्रशासनले निवेदन दरपिठ गरिदिएको थियो । मुद्दाको अनुसन्धान भइरहँदा अदालतलाई दबाब दिने हिसाबले अभिव्यक्ति दिने, जनमासलाई उचाल्ने र न्यायिक विचलन निम्त्याउने गतिविधि भएको भन्दै अधिवक्ता अनुपम भट्टराईले सर्वोच्चमा अदालतमा अपहेलना निवेदन दिएका थिए ।

तर, निवेदनलाई सर्वोच्च प्रशासनले दर्ता गर्न अस्वीकार गर्यो । कात्तिक १४ गते दरपिठ नै गरिदियो । त्यसविरुद्ध अधिवक्ता भट्टराईले कात्तिक २१ गते इजलासमा निवेदन दिएका थिए । उक्त निवेदनमा पहिलो सुनुवाइ गर्दै न्यायाधीश शर्माको इजलासले दरपिठ बदर गरेर निवेदन दर्ता गर्न आदेश दिएको हो ।

भट्टराईले अब रास्वपाका नेताविरुद्ध अदालतको अपहेलना मुद्दामा निवेदन दर्ता गरिने बताए । उनले आफ्नो अवहेलना निवेदनमा विपक्षी राष्ट्रिय स्वतन्त्र पार्टीका केन्द्रीय पदाधिकारीसमेतले न्याय निरूपण प्रक्रियाको उपहास गरी सभा गर्ने, न्यायपालिका बारे तथ्यहीन र आधारहीन कुरा जनतामा फैलाउने लगायतका कार्य गरी स्वतन्त्र न्यायपालिका माथि जनमानसमा भ्रम सिर्जना गर्ने काम गरेको दाबी गरेका छन् ।

अवहेलना निवेदनमा रास्वपाका सांसदहरू स्वर्णिम वाग्ले, प्रवक्ता मनिष झा, सुमना श्रेष्ठ, विराजभक्त मर्हजन, तोषिमा कार्की, सोविता गौतमलगायतलाई विपक्षी बनाइएको छ।

यी हुन् मुद्दामा प्रतिवादी बनाउन खोजिएकाहरु

 

 

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.