सांसदविरुद्ध मन्त्रीको उजुरी

Share this
731shares
मुलुकी खबर
मुलुकी खबर
clock२०८१ कात्तिक ३०, शुक्रबार १२:३९

काठमाडौं । संस्कृति, पर्यटन तथा नागरिक उड्डयनमन्त्रीमन्त्री बन्द्री पाण्डेले आफ्नै पार्टीका सांसदविरुद्ध उजुरी दिएका छन् ।

पाण्डे नेपाली कांग्रेसका सहमहामन्त्री हुन् । उनले दलकै नेता तथा सांसद राजेन्द्र बजगाईंविरुद्ध उजुरी दर्ता गराएका हुन् । आफूविरुद्ध श्रृङ्खलाबद्ध हिसाबले कुप्रचार गरेको दाबीसहित पाण्डेले बजगाईंविरुद्ध पार्टीको केन्द्रीय अनुशासन समिति र संसदीय दलमा उजुरी दिएको उनको सचिवालयले जनाएको छ।

उनले बजगाईंलाई अनुशासनको कारबाही हुनुपर्ने माग गरेका छन् । अनुशासन समितिमा बिहीबार र संसदीय दलमा शुक्रबार उजुरी दर्ता भएको सचिवालयले जनाएको छ ।

सांसद तथा पर्यटन व्यवसायी बजगाईंले आफू मन्त्री नियुक्त भएदेखि नै श्रृङ्खलाबद्ध रुपमा विभिन्न आरोप लगाउँदै सामाजिक सञ्जालहरूमा कुप्रचार गर्ने गरेको गुनासो मन्त्री पाण्डेको छ । सांसद बजगाईंले अमर्यादित, अवाञ्छित अराजक तथा गैरकानुनी काम गरेकाले उनीमाथि अनुसन्धान गरी कारबाही गर्न मन्त्री पाण्डेको माग छ ।

उजुरीमा पाण्डेले आफ्नो व्यक्तिगत र राजनीतिक जीवनलाई निष्ठा इमानदारी र नैतिकताको मार्गमा अविचलित रूपमा अगाडि बढाइरहेको दाबी गरेका छन् । बजगाईंको अवाञ्छित, अराजक र गैरकानुनी कार्यले विधिको शासन, लोकतन्त्र, पार्टी र संसदीय पद्धति, मर्यादा, कानुन र अनुशासनको गम्भीर उल्लंघन भइरहेको पाण्डेले उल्लेख गरेका छन् ।

पछिल्लो समय मन्त्री पाण्डे र सांसद बजगाईंबीच विवाद बढ्दो छ । मन्त्रीमाथि कात्तिक २७ गते सामाजिक सञ्जाल ट्विटर (एक्स) र फेसबुकमार्फत बजगाईंले आरोप लगाएका थिए ।

एक क्यासिनोलाई इजाजत दिँदा मन्त्री पाण्डेले भ्रष्टाचार गरेको भन्दै बजगाईंले सामाजिक सञ्जालमा लेखेका हुन् । मन्त्री पाण्डेले आफूमाथि निराधार आरोप लगाएकाले त्यसविरुद्ध कानुनी बाटो अपनाउने प्रतिक्रिया दिएपछि सांसद बजगार्इंले पाण्डेविरुद्धका सबै पोस्टहरू हटाएका थिए ।

तपाइको प्रतिक्रिया
प्रधानमन्त्री शाहको भारत भ्रमण राजकीय हुने तयारी
बाढीपछिको पुनर्निर्माणमा एडिबीको सहयोग बढाउन नेपालको आग्रह
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
© 2024 Muluki Khabar. All Rights Reserved. Design & Develop By: Indesign Media Pvt. Ltd.