पुथाउत्तरगंगाको वडाध्यक्षमा घर्ती निर्विरोध

Share this
711shares
मुलुकी खबर
मुलुकी खबर
clock२०८१ मंसिर ५, बुधबार १३:३०

रुकुमपूर्व । नेकपा (माओवादी केन्द्र)का उम्मेदवार जगत घर्ती रुकुमपूर्वको पुथाउत्तरगंगा गाउँपालिका–२ को वडाध्यक्ष बनेका छन् ।

उनी निर्विरोध वडाध्यक्ष बनेका हुन् । आगामी मंसिर १६ गते उपनिर्वाचन हुँदैछ । कांग्रेस–एमालेको गठबन्धनबाट नेकपा (एमाले)का उम्मेदवार जीवन रोकाले उम्मेदवारी फिर्ता लिएका थिए ।

उनको उम्मेदवारी फिर्तासँगै माओवादीका घर्ती निर्विरोध वडाध्यक्ष भएका हुन् । निर्वाचन अधिकृतको कार्यालयबाट औपचारिक घोषणा भइसकेको छैन ।

यसअघि २०७९ को निर्वाचना पनि माओवादीका जसबहादुर शिर्पाली विजयी भएका थिए । उनको निधनसँगै पुथाउत्तरगंगा–२ मा वडाध्यक्ष चयनका लागि उपनिर्वाचन हुन लागेको थियो ।

गाउँपालिकाको उपाध्यक्षका लागि मनोनयन दर्ता गराएकी नेकपा (एकीकृत समाजवादी)की उम्मेदवार सुनीता बुढाले पनि उम्मेदवारी फिर्ता लिएकी छन् । माओवादीबाट गाउँपालिका उपाध्यक्षमा नरपुरा बुढा उम्मेदवार छिन् ।

उपाध्यक्ष पदमा कांग्रेसको चुनाव चिह्नबाट एमालेकी जिल्ला उपसचिव केशकुमारी तुलाचन उम्मेदवार भएर चुनावी मैदानमा छिन् । गत निर्वाचनमा गाउँपालिकाको उपाध्यक्षमा माओवादीकी भूपेन्द्रा बुढा विजयी भएकी थिइन् ।

उनको निधन भएपछि त्यहाँ उपाध्यक्ष चयनका लागि उपनिर्वाचन हुने भएको हो । उपाध्यक्ष बुढासहित वडा नम्बर २ का वडाध्यक्ष शिर्पालीको बागलुङमा भएको दुर्घटनामा परेर निधन भएको थियो ।

 

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.