
सुनसरी । नेपाल कम्युनिस्ट पार्टी एकीकृत समाजवादी (एस)का उम्मेदवार नेकपा (एमाले)मा प्रवेश गरेका छन् ।
मंसिर १६ मा हुन लागेको उपनिर्वाचनमा नेकपा एसबाट सुनसरीको गढी गाउँपालिका–६ को वडाध्यक्ष पदका उम्मेदवार डमी उराँव (एमाले)मा प्रवेश गरेका हुन् ।
उनले मनोनयन फिर्ता लिँदै (एमाले)का उम्मेदवार सन्तु उराँवलाई सहयोग गर्ने बताएका छन् । डमीलाई (एमाले) नेतृ तथा पूर्वमन्त्री भगवती चौधरीले स्वागत गरेकी हुन् ।
उनले उम्मेदवारी फिर्ता लिँदै कम्युनिष्ट आन्दोलनको मूल प्रवाहको रुपमा स्थापित नेकपा (एमाले)लाई क्षती पुग्ने महसुस गर्दै आजका मितिदेखि आफ्नो पुरानो घर फर्किएको बताए ।


























