
विराटनगर । झापाको कनकाइ नगरपालिका वडा नम्बर ६ को अध्यक्षमा स्वतन्त्र उम्मेदवार लक्ष्मीप्रसाद ओली विजयी भएका छन् ।
नेपाली कांग्रेसले टिकट नदिएपछि स्वतन्त्र उम्मेदवारी दिएका ओली ४९३ मतसहित अध्यक्षमा विजयी भएका हुन् ।
उनले चापाकल चुनाव चिन्ह पाएका थिए ।
कनकाइमा एमाले उम्मेदवार तुलाराम बस्नेतले ३५६ मत ल्याए ।
कांग्रेसका आधिकारिक उम्मेदवार रामगोपाल ओलीले ३१७ मत प्राप्त गरे ।
माओवादी केन्द्रका गणेशबहादुर थापाले २ सय ७७ मत पाएका छन् ।

























