कांग्रेस इतर पक्षको भेला : महाधिवेशनका लागि शेखर कोइरालाको शक्ति परीक्षण

Share this
709shares
मुलुकी खबर
मुलुकी खबर
clock२०८१ मंसिर १८, मंगलबार २१:२३

विराटनगर । पार्टी केन्द्रीय समितिको सर्कुलर विपरीत नेपाली कांग्रेस नेता डाक्टर शेखर कोइरालाले विराटनगरमा पालिका सभापतिहरूको भेला गरे । यो भेला मार्फत उनले १५ औं महाधिवेशनमा सभापति उठ्ने घुमाउरो भाषामा घोषणा गरे ।

पार्टी केन्द्रको इच्छा विपरीत गृहनगरमा कोइरालाले गरेको शक्ति परीक्षण उनी पक्षका नेता तथा पालिका सभापति सहभागी थिए । भेलामा आएका कार्यकर्तालाई सम्बोधन गर्दै उनले भने,‘कुनै किसिमको डर, धाक, धम्कीबाट उहाँहरु आत्तिनुभएन । तपाईंहरू निस्फिक्रि भएर घर जानुस् । तपाईंहरूको संरक्षण म गर्छु ।’

पार्टी प्रदेश समितिले २२ मंसिरमा प्रदेश सम्मेलन आयोजना गर्दैछ । त्यसको चार दिन अघि कोइरालाले पालिका सभापतिहरूलाई भेला गरेर १५ औं महाधिवेशनपछि नेता कार्यकर्तालाई अन्याय नहुने बताए । उनको आसय आफू सभापति भएपछि अन्याय गर्दिन भन्ने हो ।

१५ औं महाधिवेशनबाट गलत कुरा हुन नदिने र कार्यकर्ताको संरक्षण आफूले गर्ने जिम्मेवारी लिने बताए । नेता शेखरले २०८३ को मंसिरसम्म १५ औं महाधिवेशन हुने सम्भावना नदेखेको बताए । अधिवेशनमा समयमा हुनुपर्छ भनी गाउँ गाउँमा भन्नु जरुरी र दबाब सिर्जना गर्नुपर्ने अवस्था रहेको बताए । ‘क्रियाशील सदस्यताको अहिले जुन भइरहेको छ । यो तरिकाले अधिवेशन समय हुने सम्भावना छैन,’ उनले भने ।

प्रदेशले सम्मेलनको मिति तोकेपछि कोइराला समूहले पालिका सभापतिहरूको प्रदेशस्तरीय प्रशिक्षण कार्यक्रम आयोजना गरेको संस्थापन पक्षको बुझाइ छ । तर, भेलामा बोल्ने क्रममा नेता कोइरालाले कार्यक्रम धेरै पहिले तय भएकाले कोही तर्सनु नपर्ने बताए । कोइराला पक्षीय केन्द्रीय सदस्य राजीव कोइरालाले केन्द्रले भेला नगर्नु नभनेका कारण कार्यक्रम राखिएको बताउँछन् ।

भेलाको अघिल्लो दिन सोमबार केन्द्रीय समितिले २२ मंसिरअघि कुनै कार्यक्रम नरहेको पालिका सभापतिहरूलाई सर्कुलर गराएको थियो । प्रदेशका १३७ वटै पालिकालाई निम्तो गरिएको थियो । ती मध्ये ११३ जना सहभागी भएको कोइराला पक्षको दाबी छ । तर संस्थापन पक्षका एक नेताले भने आजको भेलामा जम्मा ६०-६१ जना सभापति मात्रै उपस्थित भएको बताए ।

भेलामा कोइराला समूहबाट पालिकामा जितेका सभापति र पदाधिकारीहरू सबै सहभागी छन् । पालिका सभापतिहरूलाई अधिकार दिनसके मात्रै पार्टीलाई बलियो बनाउन सकिने कोइरालाको तर्क थियो ।

भेलामा कोइराला पक्षका केन्द्रीय नेताहरू पनि सहभागी भएका थिए । कोइराला पक्षका केन्द्रीय सदस्य डाक्टर मीनेन्द्र रिजालले सभापति शेरबहादुर देउवालाई देखाएर निषेधको राजनीति नगर्न आग्रह गरे । पार्टीलाई मजबुत बनाउन जुनसुकै कार्यक्रमलाई निषेध गर्न नहुने उनको विचार थियो ।

भेलालाई नेता गुरुराज घिमिरेले पार्टीको सुदृढीकरणका लागि आयोजित कार्यक्रम रोक्नका लागि संस्थापन पक्षले कारबाहीको धम्की दिएको गुनासो गरे । वर्तमान पार्टी नेतृत्वले पार्टी एकजुट बनाउन नसकेको केन्द्रीय सदस्य सरिता प्रसाईंको गुनासो थियो । भेलामा बोल्ने कतिपयले आगामी महाधिवेशनबाट पार्टीको नेतृत्व कोइरालाले लिनुपर्ने सुझाव दिए ।

तपाइको प्रतिक्रिया
युरोपबाट रुवान्डासम्म आप्रवासी निष्कासनको नयाँ अभ्यास, पाँच देशको संयुक्त योजना
मोरङमा ठूला चाडपर्व शान्तिपूर्ण, २१९ आपराधिक घटना
 एनपिएलको तेस्रो संस्करण कात्तिक ९ देखि
फाइनल पुग्न लुम्बिनी र सुदूरपश्चिमबीच निर्णायक भिडन्त
प्रधानमन्त्री बालेनको भारत भ्रमण : दिल्लीमा छोटो बसाइ, नेपालका एजेन्डा लामै
विराटनगरबाट लागुऔषधसहित एक युवक पक्राउ
ब्राउन सुगरसहित इटहरीका दुई युवक पक्राउ
कोशी प्रदेशमा एकै दिन १७ सवारी दुर्घटना, २३ जना घाइते (पूरा विवरणसहित)
बराहक्षेत्रमा चलिरहेको मोटरसाइकलबाट खसेकी युवतीको उपचारका क्रममा मृत्यु
कोशी र गण्डकीका हिमाली क्षेत्रमा वर्षा र हिमपातको सम्भावना
स्थानीय निर्वाचनको तयारीमा एमाले, ३ हजार ४१४ नेता–कार्यकर्तासहितको राष्ट्रिय भेला
यस्तो छ विदेशी मुद्राको विनिमय दर
यस्तो छ विदेशी मुद्राको विनिमयदर
© 2024 Muluki Khabar. All Rights Reserved. Design & Develop By: Indesign Media Pvt. Ltd.