
काठमाडौं । सहकारी ठगी, सम्पत्ति शुद्धिकरण र संगठित अपराध आरोपमा जिल्ला अदालत कास्कीमा मुद्दा दर्ता भएपछि राष्ट्रिय स्वतन्त्र पार्टी (रास्वपा) सभापति रवि लामिछोनेको सांसद पद निलम्बन भएको छ ।
संघीय संसद् सचिवालयले एक सूचना जारी गर्दै लामिछाने पदबाट निलम्बित भएको जानकारी दिएको हो ।
लामिछाने गत कात्तिक २ गतेदेखि प्रहरी हिरासतमा छन् । उनीविरुद्ध आइतबार मुद्दा दर्ता भएको थियो ।
‘सम्पत्ति शुद्धिकरण (मनी लाउन्डरिङ) निवारण एने, २०६४ को दफा २७ अनुसार थुनामा रहेको अवधिभर र निजउपर दफा २२ बमोजिम मुद्दा दायर भएकोमा सो मुद्दाको किनारा नभएसम्म त्यस्तो कर्मचारी, पदाधिकारी वा राष्ट्रसेवक स्वतः निलम्बन भएको मानिनेछ भन्ने व्यवस्था रहेकाले सो कानुनी व्यवस्थाको प्रयोजनका लागि यो सूचना प्रकाशित गरिएको छ,’ संसद् सचिवालयले जारी गरेको सूचनामा भनिएको छ ।


























